ჩართულობის მხრივ ყველაზე მაღალი ხარისხის მქონე კანონპროექტების ინიციატორი სახელმწიფო უწყებების დაჯილდოება

სიახლეები | კარგი მმართველობა | პუბლიკაციები | ანგარიში | სტატია 10 ივლისი 2019

40-ზე მეტი საჯარო უწყებისა და კერძო სექტორის წარმომადგენელი შეიკრიბა ინფორმაციის თავისუფლების განვითარების ინსტიტუტის (IDFI) და USAID-ის პროექტის „მმართველობა განვითარებისთვის საქართველოში“ (G4G) მიერ ორგანიზებულ - საქართველოში საჯარო და კერძო სექტორებს შორის დიალოგის ხარისხის შეფასების 2014-2019 წლების ანგარიშის - პრეზენტაციასა და გამარჯვებული კანონპროექტების დაჯილდოების ცერემონიალზე.

 

კანონპროექტების მომზადების პროცესში საჯარო და კერძო სექტორებს შორის დიალოგის მაღალი ხარისხით უზრუნველყოფისათვის ჯილდოები გადაეცათ შემდეგ სამინისტროებს: 1. საქართველოს სივრცითი მოწყობისა და მშენებლობის კოდექსი-ეკონომიკისა და მდგრადი განვითარების სამინისტრო; 2. საგადასახადო კოდექსი ცვლილებების შეტანის შესახებ-კორპორატიული საშემოსავლო გადასახადი ე.წ. ესტორნური მოდელი-ფინანსთა სამინისტრო; და 2. საქართველოს კანონი პროფესიული განათლების შესახებ - განათლების, მეცნიერების, კულტურისა და სპორტის სამინისტრო.


შეხვედრა გახსნეს ამერიკის შეერთებული შტატების საერთაშორისო განვითრების სააგენტოს (USAID) საქართველოს მისიის ხელმძღვანელმა პიტერ ა. ვიბლერმა, IDFI-ის აღმასრულებელმა დირექტორმა გიორგი კლდიაშვილმა და საქართველოს პარლამენტის წევრმა ირინა ფრუიძემ.

 

გიორგი კლდიაშვილის აზრით „კერძო და საჯარო სექტორებს შორის დიალოგის ყველაზე წარმატებული შემთხვევების გამოვლენით IDFI-ის გუნდი ხელს უწყობს პოლიტიკის დაგეგმვის ადრეულ ეტაპებზე ეფექტური კონსულტაციის პოზიტიურ გავლენას, და პოლიტიკის შემუშავების ყველა ეტაპზე მეტად ინკლუზიური გადაწყვეტილების მიღების პროცესს.“


ირინა ფრუიძემ ფართოდ ისაუბრა საქართველოს პარლამენტის იმ საზედამხედველო მექანიზმების შესახებ რომლებიც დღეს ქვეყანაში მოქმედებს. „საჯარო და კერძო სექტორის თანამშრომლობა სასიცოცხლოდ მნიშვნელოვანია ეკონომიკური განვითარებისთვის, რადგანაც ჩართულობა, მონაწილეობა და თანამშრომლობა ხელს უწყობს უფრო ეფექტური კანონებისა და პოლიტიკის გატარებას.” - ირინა ფრუიძე.


კერძო და საჯარო სექტორებს შორის დიალოგის ხარისხის 2014-2019 წლების შედეგებზე საუბრის დროს IDFI-ის მთავარმა იურისტმა ნინო მერებაშვილი-ფიშერმა აღნიშნა, რომ „საჯარო პოლიტიკის შემუშავების საწყის ეტაპზე ჩართულობის მხრივ პირდაპირი სამართლებრივი ვალდებულების არარსებობის მიუხედავად, უმეტეს შემთხვევაში სახელმწიფო დაწესებულებები უზრუნველყოფდნენ ან ცდილობდნენ უზრუნველეყოთ დიალოგი კერძო სექტორთან. მიუხედავად ამისა, სახელმწიფო დაწესებულებებს უძნელდებოდათ შეექმნათ მიღებული კომენტარების განხილვისა და მათი ავტორებისთვის უკუკავშირის მიწოდების სისტემატიზებული პროცესი. ამასთან ისინი ერიდებოდნენ დიალოგის უზრუნველყოფის მიზნით აქტივობების გამართვას მთელი ქვეყნის მასშტაბით და ძირითადად კონცენტრირებულნი იყვნენ თბილისზე. კვლევის პროცესმა აჩვენა, რომ რეგულირების გავლენის შეფასება მომზადდა შეფასებული 37 კანონპროექტიდან ექვს შემთხვევაში.“ 

 

2014-2019 წლებში IDFI-ის მიერ სულ შეფასდა 37 კანონპროექტი. შეფასების მიზნებისთვის ჩატარდა 200-მდე ინტერვიუ საჯარო და კერძო სექტორის წარმომადგენლებთან.

 

 

 

 

/public/upload/IDFI_2019/g4g/PPD_Report_for_print GEO_WEB.pdf

სხვა მასალები ამ თემაზე
სიახლეები

საჯარო ინფორმაციის ხელმისაწვდომობა საქართველოში 2010-2019

28.09.2020

IDFI-მ ონლაინ კონფერენცია - კიბერუსაფრთხოების საერთაშორისო სტანდარტები და საქართველო გამართა

24.09.2020

კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები

23.09.2020

ფარული მიყურადება საქართველოში - კანონმდებლობისა და პრაქტიკის ანალიზი

18.09.2020
განცხადებები

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020

მოვუწოდებთ კომუნიკაციების კომისიას შეასრულოს ობიექტური და მიუკერძოებელი დამკვირვებლის როლი წინასაარჩევნო და საარჩევნო პროცესებში მედიის მონიტორინგისას

20.08.2020
ბლოგპოსტები

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020