"ინფორმაციის თავისუფლების განვითარების ინსტიტუტი (IDFI)" ტელეკომპანია მე-9 არხის ხელმძღვანელობას მოუწოდებს, ინფორმაციის არასწორი ინტერპრეტაციით მაყურებელი შეცდომაში არ შეიყვანონ.
IDFI-ის მაგალითად მოჰყავს მეცხრე არხის სიუჟეტი, სადაც საუბარი იყო სასჯელაღსრულების დაწესებულების თანამშრომლების ხელფასებსა და პრემიებზე.
სიუჟეტში გამოყენებული იყო IDFI მოპოვებული ინფორმაცია, თუმცა, როგორც ინსიტუტის წევრები აცხადებენ, მე-9 არხმა მათი მოპოვებული ინფორმაცია არასწორი ინტერპრეტაციით გაავრცელა და მაყურებელი შეცდომაში შეიყვანა.
IDFI-ს განცხადებაში ნათქვამია : ,,მეცხრე არხის სიუჟეტს ჰედლაინად გასდევდა შემდეგი წარწერა: "წამებაში ბრალდებული პირები ყოველთვიურად 5 ათას ლარამდე პრემიას იღებდნენ, რაც არასწორია". განცხადებაში ასევე ნათქვამია, რომ ტექსტი ინტერპეტირებული იყო.
,, როგორც ირკვევა, ტელეკომპანია მე-9 არხის მიერ გავრცელებული ინფორმაცია მხოლოდ ნაწილობრივ შეესაბამება სინამდვილეს და არ ასახავს "ინფორმაციის თავისუფლების განვითარების ინსტიტუტის" (IDFI) მიერ მომზადებული სტატიის შინაარს, "" -ნათქვამია განცხადებაში.
ინსტიტუტი (IDFI) მოუწოდებს ტელეკომპანია მე-9 არხს პროფესიული სტანდარტების გათვალისწინებით მიუდგნენ საკუთარი ჟურნალისტური მოვალეობების შესრულებას.
