„ინფორმაციის თავისუფლების განვითარების ინსტიტუტი“ (IDFI) ტელეკომპანია მე-9 არხის, ეთერში 25 თებერვალს გავრცელებულ სიუჟეტს ეხმაურება და ტელეკომპანიას მოუწოდებს პროფესიული სტანდარტების გათვალისწინებით მიუდგნენ საკუთარი ჟურნალისტური მოვალეობების შესრულებას და ინფორმაციის არასწორი ინტერპრეტაციით საკუთარი მაყურებელი შეცდომაში არ შეიყვანონ.
„25 თებერვალს ტელეკომპანია მე-9 არხმა გაავრცელა სიუჟეტი სახელწოდებით „ყოველთვიური პრემიები”, სადაც აღნიშნული იყო - „არასამთავრობო ორგანიზაცია ,,ინფორმაციის თავისუფლების განვითარების ინსტიტუტი“ სკანდალურ ინფორმაციას ავრცელებს. გაგა მკურნალაძე, დავით ჭაკუა, გიორგი ავსაჯანიშვილი-ეს იმ პირთა არასრული ჩამონათვალია, რომლებიც თვის ბოლოს გაორმაგებული ან გაოთხმაგებული ხელფასის ოდენობის პრემიებს იღებდნენ. თანხა ექს-მინისტრ კალმახელიძის პირადი გადაწყვეტილებით გაიცემოდა.“ სიუჟეტს ჰედლაინად შემდეგი წარწერა - "წამებაში ბრალდებული პირები ყოველთვიურად 5 ათას ლარამდე პრემიას იღებდნენ“ -გასდევდა“, - ნათქვამია განცხადებაში.

ინფორმაციის თავისუფლების განვითარების ინსტიტუტის განმარტავს, რომ ინსტიტუტმა ინფორმაცია მიიღო და გამოაქვეყნა მხოლოდ სასჯელაღსრულების დეპარტამენტის ყოფილ ხელმძღვანელ დავით ჭაკუაზე. რაც შეეხება სიუჟეტში ჩამოთვლილ სხვა პირებს, მათ შესახებ ინფორმაცია არ იქნა მოწოდებული სასჯელაღსრულების დეპარტამენტის მიერ, რასთან დაკავშირებითაც მომზადდა შესაბამისი სტატია- „წამებაში ეჭვმიტანილ პირთა პრემიები“ და აღნიშნულის შესახებ ინფორმაცია განმარტებული იქნა IDFI-ის თავჯდომარის მიერ, მე-9 არხისთვის მიცემულ ინტერვიუიში, მე-9 არხმა განმარტება, სიუჟეტში სრულყოფილად არ ასახა“, - ნათქვამია ორგანიზაციის განცხადებაში.

იხილეთ ბმული