25 თებერვალს ტელეკომპანია მე-9 არხმა არასამთავრობო ორგანიზაცია ,,ინფორმაციის თავისუფლების განვითარების ინსტიტუტის" ინფორმაციაზე დაყრდნობით სასჯელაღსრულების დეპარტამენტში დასაქმებულ პირთა პრემიების შესახებ სიუჟეტი მოამზადა. სიუჟეტის მიხედვით ყოფილი მინისტრის, ხათუნა კალმახელიძის ბრძანებით, პატიმრების წამებაში ბრალდებული პირები, გაგა მკურნალაძე, დავით ჭაკუა, გიორგი ავსაჯანიშვილი და სხვები თვის ბოლოს გაორმაგებული ან გაოთხმაგებული ხელფასის ოდენობის პრემიებს იღებდნენ.
IDFI-ის განცხადებით, ინსტიტუტმა ინფორმაცია მხოლოდ სასჯელაღსრულების დეპარტამენტის ყოფილ ხელმძღვანელზე დავით ჭაკუაზე მიიღო და გაავრცელა. რაც შეეხება მკურნალაძეს, ავსაჯანიშვილს და სხვებს, მათი პრემიების შესახებ ინფორმაცია სასჯელაღსრულების დეპარტამენტმა ორგანიზაციას არ მიაწოდა. ეს IDFI-ის თავჯდომარემ მე-9 არხთან ინტერიუში განმარტა.
,, სამწუხაროდ მე-9 არხმა ჩვენი განმარტება სიუჟეტში სრულყოფილად არ ასახა. შესაბამისად, ტელეკომპანია მე-9 არხის მიერ გავრცელებული ინფორმაცია მხოლოდ ნაწილობრივ შეესაბამება სინამდვილეს და არ ასახავს „ინფორმაციის თავისუფლების განვითარების ინსტიტუტის" (IDFI) მიერ მომზადებული სტატიის შინაარს. ინსტიტუტი (IDFI) მოუწოდებს ტელეკომპანია მე-9 არხს პროფესიული სტანდარტების გათვალისწინებით მიუდგნენ საკუთარ ჟურნალისტური მოვალეობების შესრულებას და ინფორმაციის არასწორი ინტერპრეტაციით შეცდომაში არ შეიყვანონ საკუთარი მაყურებელი." _ წერია ორგანიზაციის განცხადებაში.
სიახლეების გამოწერა
