საქართველოს პრეზიდენტი გიორგი მარგველაშვილი კამპანიაში - "ეს შენ გეხება" ჩართული ორგანიზაციების წარმომადგენლებს ხვდება. შეხვედრა ავლაბარის რეზიდენციაში მიმდინარეობს. შეხვედრის დაწყების წინ არასამთავრობო ორგანიზაციების წარმომადგენლებმა მედიისთვის კომენტარის გაკეთება ვერ მოასწრეს, რადგან თითქმის ყველა დაგვიანებით მივიდა.
ამასთან, ცნობილია, რომ არასამთავრობო ორგანიზაციების წარმომადგენლები გიორგი მარგველაშვილს მათი კამპანიის შესახებ მიაწვდიან ინფორმაციას. ასევე გააცნობენ თემაზე ჩატარებულ სოციოლოგიური კვლევის შედეგებს, რომლის მიხედვითაც, გამოკითხულთა უმეტესობა ტელეფონით საიდუმლო ან პოლიტიკურ საკითხზე საუბარს ერიდება და კიდევ აქვს შიში, რომ შესაძლოა, უსმენდნენ.
შეხვედრა საქართველოს პრეზიდენტის ინიციატივით იმართება. შეხვედრაში მონაწილეობენ ეკა გიგაური, ნინო ლომჯარია, კახა კოჟორიძე, ქეთი ხუციშვილი, ვახუშტი მენაბდე, ზვიად ქორიძე, ლაშა ტუღუში, ლია მუხაშავრია, ლევან ავალიშვილი.
გამოკითხვის ექსპერიმენტი
31.10.2019
სიახლეების გამოწერა
