Media.Ge

IDFI მედიაში 19 მარტი 2014

კამპანია „ეს შენ გეხებას“ მონაწილეები შს მინისტრის მოადგილის განცხადებას შემაშფოთებელს უწოდებენ

ეს შენ გეხება

კამპანია „ეს შენ გეხებას“ მონაწილეები შინაგან საქმეთა მინისტრის მოადგილეს, ლევან იზორიას გამოეხმაურნენ. არასამთავრობო ორგანიზაციების წარმომადგენლები მიიჩნევენ, რომ ლევან იზორიას ბრალდებები კამპანიაში ჩართული ორგანიზაციების წინააღმდეგ შემაშფოთებელია.

საქართველოს შინაგან საქმეთა მინისტრის მოადგილემ ლევან იზორიამ 12 მარტს ტელეკომპანია „რუსთავი 2“-ის ეთერში განაცხადა, რომ კამპანია „ეს შენ გეხება“ პოლიტიკურ ხასიათს ატარებს და სამართალდამცავების დისკრედიტაციისკენაა მიმართული. იზორიამ განაცხადა, რომ უკანონო მოსმენები საქართველოში არ ხორციელდება და კამპანიის წევრ ორგანიზაციებს მიმართა მოსმენების კონკრეტული ფაქტები დაასახელონ.

„მიგვაჩნია, რომ ასეთი არაკონსტრუქციული მიდგომა მიუღებელია დემოკრატიული სახელმწიფოს წყობილებისთვის და ცალსახად დარტყმის ქვეშ აყენებს სამოქალაქო აქტივიზმის იდეას“, - აცხადებენ არასამთავრობო ორგანიზაციების წარმომადგენლები. მათი თქმით, კამპანია „ეს შენ გეხებას“ მიზანი  საქართველოს საგამოძიებო ორგანოების მიერ თვალთვალისა და მიყურადების არსებული პრაქტიკის შეცვლა და კანონმდებლობის საქართველოს კონსტიტუციურ სტანდარტებთან და ევროპის ქვეყნების საუკეთესო გამოცდილებასთან შესაბამისობაში მოყვანაა.

კამპანიის წევრი ორგანიზაციების წარმომადგენლების თქმით, უწყებათშორისმა საბჭომ, რომლის წევრი შსს-ც არის, ერთხმად მიიღო ადამიანის უფლებათა სტრატეგია და აღიარა, რომ ,,სამინისტროს ჰქონდა და დღესაც აქვს ხელმისაწვდომობა სატელეფონო ზარებზე, ელექტრონულ ფოსტაზე, sms და სხვა ელექტრონულ საშუალებებზე“ და საჭიროა ნათელი რეგულაციების შემოღება და მონიტორინგი.

„ამის ფონზე, პრობლემის არარეალურობის შესახებ სამინისტროს წარმომადგენლის პოზიცია, რბილად რომ ითქვას, უცნაურია. დასანანია, რომ ერთის მხრივ სახელმწიფო პრობლემის მოგვარების აუცილებლობაზე საუბრობს, ხოლო მეორეს მხრივ ამ პრობლემის დეტალებზე საუბარს და მის მოგვარებაში დახმარების სურვილს, რეფორმის აქტიურად განხორციელებისკენ მოწოდებას ,,სახელმწიფო ინსტიტუტის დისკრედიტაციას“ უწოდებს“, - აღნიშნავენ არასამთავრობოები.

მათი თქმით, მიუხედავად იმისა, რომ შს მინისტრმა ალექსანდრე ჭიკაიძემ კამპანიის დაწყებისას მზადყოფნა გამოთქვა დიალოგისთვის, შინაგან საქმეთა სამინისტროს წარმომადგენლებმა არ ისურვეს აღნიშნული საკითხების სამუშაო ფორმატში განხილვა და არგუმენტირებული პოზიციების დაფიქსირება კანონპროექტის პრინციპებსა და კონკრეტულ მუხლებზე.

კამპანიის მონაწილე ორგანიზაციები არიან: „ღია საზოგადოება - საქართველო“, ინფორმაციის თავისუფლების განვითარების ინსტიტუტი, „საერთაშორისო გამჭვირვალობა - საქართველო“, „ახალგაზრდა იურისტთა ასოციაცია“, „კონსტიტუციის 42-ე მუხლი“, „ადამიანის უფლებების სწავლებისა და მონიტორინგის ცენტრი“ და ფონდი ლიბერალური აკადემია.

იხილეთ ბმული

სხვა მასალები ამ თემაზე
სიახლეები

2019 წელს (იანვარი-ივლისი) დანაშაულის რიცხვი 17,23%-ით გაიზარდა

11.09.2019

საქართველოს პარლამენტმა არქივების ღიაობის შესახებ IDFI-ს საკანონდებლო წინადადება განიხილა

04.09.2019

IDFI-მ საქართველოს პარლამენტს „პერსონალურ მონაცემთა დაცვის შესახებ“ კანონპროექტთან დაკავშირებით მოსაზრებები წარუდგინა

03.09.2019

2019-2020 წლების ეროვნული ანტიკორუფციული სტრატეგიისა და სამოქმედო გეგმის შემუშავების პროცესი ხარვეზებით წარიმართა

22.08.2019
განცხადებები

კოალიცია იუსტიციის უმაღლეს საბჭოში უზენაესი სასამართლოს მოსამართლეობის კანდიდატთა შერჩევის პროცესს აფასებს

12.09.2019

საქართველოს სამოქალაქო საზოგადოების ორგანიზაციების მიმართვა საერთაშორისო თანამეგობრობას

09.09.2019

არასამთავრობო ორგანიზაციების განცხადება „რუსთავი 2“-ზე მიმდინარე საკადრო ცვლილებების შესახებ

20.08.2019

არასამთავრობო ორგანიზაციების განცხადება ნიკა გვარამიასთვის ბრალის წარდგენის შესახებ

09.08.2019
ბლოგპოსტები

ინტერესთა შეუთავსებლობა უზენაესი სასამართლოს მოსამართლეთა შერჩევის პროცესში

05.08.2019

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019