Media.Ge

IDFI მედიაში 19 მარტი 2014

 

Opendata.ge-ზე ოთხი ორგანიზაციის მიერ მოპოვებული საჯარო ინფორმაცია აიტვირთება

საჯარო ინფორმაციის მონაცემთა ბაზა Opendata.ge გაფართოვდა და ამ ვებ გვერდზე  „ინფორმაციის თავისუფლების განვითარების ინსტიტუტი“ (IDFI), „ახალგაზრდა იურისტთა ასოციაცია“, „საერთაშორისო გამჭვირვალობა-საქართველო“ და „მწვანე ალტერნატივა“  საჯარო უწყებებიდან მიღებულ ინფორმაციას ატვირთავს.

პორტალი 2010 წელს IDFI-მ შექმნა. ორგანიზაცია სხვდასხვა ტიპის ინფორმაციას ყველა საჯარო უწყებას სთხოვდა და შემდეგ ამ პორტალზე ათავსებდა. 2014 წელს კი ამ ბაზის გაფართოება გადაწყვიტა.

„ჩვენი პარტნიორი ორგანიზაციები განსხვავებულ თემებზე მუშაობენ, ისეთზე როგორიცაა სახემწიფო შესყიდვები, სამართლებრივი საკითხები, ისინიც დიდი რაოდენობით საჯარო ინფორმაციას ითხოვენ. ჩვენი ბაზების გაერთიანებით, პორტალი უფრო სრულყოფილი გახდება“, - აღნიშნა ლევან ავალიშვილმა განახლებული ვებ გვერდის პრეზენტაციაზე 27 თებერვალს.

პორტალი „ფონდი ღია საზოგადოება საქართველოს“ მხარდაჭერით და საერთაშორისო ორგანიზაცია „ჰურიდოქსის“ ტექნიკური დახმარებით განახლდა. ბაზაში გაერთიანებულია ამ ოთხი ორგანიზაციის მიერ გამოთხოვილი ინფორმაციის ძებნა შესაძლებელია თარიღებით, სათაურებით, კატეგორიებით, ან თავად ორგანიზაციების მიხედვით. აქვეა განთავსებული მიღებული ინფორმაციის სტატისტიკაც.

„საერთაშორისო გამჭვირვალობა-საქართველოს თავმჯდომარის, ეკა გიგაურის განცხადებით, პორტალზე განთავსებული ინფორმაცია დაეხმარება ჟურნალისტებსაც დოკუმენტებზე დაყრდნობილი მასალების მომზადებაში, ახალი თემების მოძიებაში.

„ჩვენ ხშირად ვსაუბრობთ საგამოძიებო მასალების ნაკლებობაზე. ვფიქრობთ, რომ სწორედ ამგვარი მასალების მომზადებაში დაეხმარება ჟრუნალისტებს Opendata.ge-ზე გამოქვეყნებული ინფორმაცია", - აღნიშნა ეკა გიგაურმა.

პრეზენტაციას იუსტიციის სამინისტროს ანალიტიკური დეპარტამენტის უფროსი რუსუდან მიხელიძეც ესწრებოდა, რომელმაც აღნიშნა, რომ ამგვარი ბაზის არსებობა მთავრობის გამჭვირვალობისა და ანგარიშვალდებულების ხარისხს ზრდის.

„ეს არის საკითხი, სადაც მთავრობა და არასამთავრობო ორგანიზაციები ხელიხელჩაკიდებულები უნდა მუშაობდნენ, ვინაიდან ღიაობის ის სტანდარტი, რაც ქვეყანაშია, უფრო მეტად გაიზარდოს და თვალსაჩიინო გახსდეს საზოგადოებისათვის“, - განაცხადა რუსუდან მიხელიძემ. მისი თქმით, უნდა მოხდეს ამ ბაზის პოპულარიზაცია, რომ მოსახლეობამ გამოიყენოს გამოქვეყნებული ინფორმაცია. გარდა ამისა, მიხელიძემ გამოთქვა სურვილი, რომ Opendata.ge მიებას მოქალაქის პორტალს my.gov.ge საიდანაც დაინტერესებულ პირს საჯარო ინფორმაციის გამოთხოვა შეუძლია.

იხილეთ ბმული

სხვა მასალები ამ თემაზე
სიახლეები

2019 წელს (იანვარი-ივლისი) დანაშაულის რიცხვი 17,23%-ით გაიზარდა

11.09.2019

საქართველოს პარლამენტმა არქივების ღიაობის შესახებ IDFI-ს საკანონდებლო წინადადება განიხილა

04.09.2019

IDFI-მ საქართველოს პარლამენტს „პერსონალურ მონაცემთა დაცვის შესახებ“ კანონპროექტთან დაკავშირებით მოსაზრებები წარუდგინა

03.09.2019

2019-2020 წლების ეროვნული ანტიკორუფციული სტრატეგიისა და სამოქმედო გეგმის შემუშავების პროცესი ხარვეზებით წარიმართა

22.08.2019
განცხადებები

კოალიცია იუსტიციის უმაღლეს საბჭოში უზენაესი სასამართლოს მოსამართლეობის კანდიდატთა შერჩევის პროცესს აფასებს

12.09.2019

საქართველოს სამოქალაქო საზოგადოების ორგანიზაციების მიმართვა საერთაშორისო თანამეგობრობას

09.09.2019

არასამთავრობო ორგანიზაციების განცხადება „რუსთავი 2“-ზე მიმდინარე საკადრო ცვლილებების შესახებ

20.08.2019

არასამთავრობო ორგანიზაციების განცხადება ნიკა გვარამიასთვის ბრალის წარდგენის შესახებ

09.08.2019
ბლოგპოსტები

ინტერესთა შეუთავსებლობა უზენაესი სასამართლოს მოსამართლეთა შერჩევის პროცესში

05.08.2019

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019