თბილისის საკრებულომ წლის განმავლობაში მანქანების შესაძენად 900 000 ლარზე მეტი დახარჯა
19/12/2013
ინფორმაციის თავისუფლების განვითარების ინსტიტუტის ინფორმაციით, 2012-დან 2013 წლის ჩათვლით თბილისის საკრებულომ 915 725 ლარის საერთო ღირებულების 28 ავტომობილი შეიძინა.
ყველაზე დიდი თანხა - 54 850 ლარი 2011 წელს გამოშვებულ Mitsubishi I200 მოდელის ავტომობილშია გადახდილი.
როგორც კონკურენციისა და სახელმწიფო შესყიდვების სააგენტოს მიერ გამოქვეყნებული ოფიციალური მონაცემებით ირკვევა, 2013 წელს თბილისის საკრებულოს საწვავის ხარჯის გეგმა 352 100 ლარს შეადგენს, 2014 წელს კი ეს თანხა 432 000 ლარითაა განსაზღვრული.
„აღსანიშნავია ის ფაქტი, რომ ქალაქ თბილისის საკრებულოს 2013 წლის სახელმწიფო შესყიდვების დაზუსტებული გეგმით, საწვავის შესყიდვისთვის გამოყოფილი თანხები დაახლოებით სამჯერ აღემატება მთავრობის კანცელარიის გეგმიურ ხარჯს, ისევე როგორც მთელი რიგი სამინისტროების მიერ დაგეგმილ შესყიდვებს. ასევე ის, რომ თბილისის საკრებულოს მიერ მოწოდებულ საშტატო ნუსხის მიხედვით ერთ-ერთი ყველაზე მეტი შტატი გამოყოფილია მძღოლებისთვის – 37 საშტატო ერთეული“, - აღნიშნულია IDFI-ის გამოქვეყნებულ დოკუმენტში.
სიახლეების გამოწერა
