თბილისის საკრებულოს მიერ საწვავისთვის გამოყოფილი თანხა მთავრობის კანცელარიის გეგმურ ხარჯს სამჯერ აღემატება -- IDFI
20.12.2013 10:41
2012-2013 წლებში თბილისის საკრებულომ 28 ავტომობილი შეისყიდა, რომელთა საერთო ღირებულებამ 915 725 ლარი შეადგინა. ამის შესახებ ინფორმაცია "ინფორმაციის თავისუფლების განვითარების ინსტიტუტმა" – IDFI-მა გაავრცელა.
ორგანიზაციამ საჯარო ინფორმაცია თბილისის საკრებულოდან გამოითხოვა.
მიღებული დოკუმენტაციით ირკვევა, რომ ყველაზე დიდი თანხა -- 54 850 ლარი 2011 წელს გამოშვებული „Mitsubishi I200“ მოდელის ავტომობილში აგადახდილი. ყველაზე მცირე თანხით კი ასევე 2011 წელს გამოშვებული „Kia rio“ მოდელის ავტომობილი შეისყიდეს.
"როგორც კონკურენციისა და სახელმწიფო შესყიდვების სააგენტოს მიერ გამოქვეყნებული ოფიციალური მონაცემებით ირკვევა, თბილისის საკრებულოს 2013 წელს საწვავის ხარჯების გეგმა 352 100 ლარს შეადგენს. აღნიშნული თანხა 2014 წლის გეგმით კიდევ უფრო გაზრდილია და 432 000 ლარით განისაზღვრა.
აღსანიშნავია ის ფაქტი, რომ ქალაქ თბილისის საკრებულოს 2013 წლის სახელმწიფო შესყიდვების დაზუსტებული გეგმით, საწვავის შესყიდვისთვის გამოყოფილი თანხა დაახლოებით სამჯერ აღემატება მთავრობის კანცელარიის გეგმურ ხარჯს, ისევე როგორც მთელი რიგი სამინისტროების მიერ დაგეგმილ შესყიდვებს", -- ნათქვამია "ინფორმაციის თავისუფლების განვითარების ინსტიტუტის" ინფორმაციაში.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024