საკრებულოს არასამთავრობო ორგანიზაცია "ინფორმაციის თავისუფლების განვითარების ინსტიტუტის" მიერ გავრცელებულ განცხადებას ეხმაურება, რომელიც თბილისის საკრებულოს მიერ გაღებულ სხვადასხვა ხარჯებს უკავშირდება.
"უნდა აღინიშნოს, რომ ობიექტური მიდგომის შემთხვევაში ადვილად შესამჩნევია, რომ არსებობს ფუნდამენტური სხვაობა ორ რეალობას შორის. კერძოდ, “ნაციონალური მოძრაობის" უმრავლესობაში ყოფნის პერიოდში, მივლინებებსა და სხვა ამოცანებისათვის სამჯერ და ოთხჯერ მეტი თანხა იხარჯებოდა, რის დასტურადაც გამოდგება სტატისტიკა, რომლის მიხედვითაც ირკვევა, რომ საკრებულოს თავმჯდომარის ყოფილმა პირველმა მოადგილემ მამუკა ახვლედიანმა მხოლოდ მივლინებებისათვის 160 000-ზე მეტი ლარი განკარგა საკრებულოს ბიუჯეტიდან. ამასთან, ობიექტურობის შემთხვევაში ადვილად დასანახია ისიც, რომ საწვავის ხარჯის გაზრდა განაპირობა არა საკრებულოს ხელმძღვანელობის ცვლილებამ, არამედ უწინარესად იმან, რომ "ნაციონალურმა მოძრაობამ" შვიდი ფრაქცია შექმნა, რამაც შესაბამისად სახელფასო და ავტომობილების უზრუნველყოფის ხარჯები გაზარდა, რადგან ამავე მიზეზით თანამდებობის პირთა რაოდენობაც გაიზარდა", - ნათქვამია განცხადებაში.
ამასთან, საკრებულოში განმარტავენ, რომ "საპრემიებო თანხების გაცემა ხდება არამხოლოდ პოლიტიკური თანამდებობის პირებზე, არამედ აპარატის თანამშრომლებზე და შედეგად, თანამშრომელთათვის გაცემული პრემიების ოდენობა სამჯერ აღემატება პოლიტიკური თანამდებობების პირებისათვის გაცემულ, კანონის მიერ რეგულირებულ პრემიების ოდენობას".
"ჩვენ მზად ვართ მომავალშიც ვითანამშრომლოთ აღნიშნულ და ყველა დაინტერესუბულ ორგანიზაციასთან თუ საზოგადოებრივ ჯგუფთან, იმისათვის, რომ თბილისის საკრებულოს ბიუჯეტიდან ხარჯვითი პროცესი იყოს გამჭვირვალე და დასაბუთებული", - ნათქვამია საკრებულოს განცხადებაში.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024