რეგიონული განვითარებისა და ინფრასტრუქტურის სამინისტრო ერთ-ერთ გამჭვირვალე უწყებად დასახელდა
12.09.2013
ინფორმაციის თავისუფლების განვითარების ინსტიტუტმა (IDFI) საქართველოს რეგიონული განვითარებისა და ინფრასტრუქტურის სამინისტროს სპეციალური ჯილდო - "2012-2013 წლებში საჯარო ინფორმაციის ხელმისაწვდომობის უზრუნველყოფისთვის“ გადასცა.
"ჩვენ უწყებაში კარი ფართოდ გავაღეთ ნებისმიერი იმ ადამიანისთვის, რომელსაც აინტერესებს საჯარო ინფორმაცია", - განაცხადა რეგიონული განვითარებისა და ინფრასტრუქტურის მინისტრმა დავით ნარმანიამ.
მისი თქმით, საჯარო ინფორმაციის გაცემის არც ერთი მოთხოვნა სამინისტროს ახალი ხელმძღვანელობის პერიოდში რეაგირების გარეშე არ დაუტოვებია.
"უპირველეს ყოვლისა, უნდა ითქვას, რომ ჩვენს უწყებაში რაც გავაკეთეთ მოსვლის დროს, იყო ის, რომ კარი ფართოდ გავაღეთ ნებისმიერი იმ ადამიანისთვის, რომელსაც აინტერესებს საჯარო ინფორმაცია. ძალიან ბევრი ინფორმაცია, რაც ადრე ვებგვერდზე არ იდო, დავდეთ. კერძოდ, დეტალური ბიუჯეტი, დეტალური ანგარიშები, პრეზენტაციები, რასაც ჩვენ ვაკეთებთ, ღია და საჯაროა. რეაგირება ხდება ნებისმიერ შემოსულ განცხადებაზე", - განაცხადა დავით ნარმანიამ.
პრეზენტაციას საქართველოს პრემიერ-მინისტრი, მთავრობის სხვა წარმომადგენლები, არასამთავრობო, საერთაშორისო და დიპლომატიური კორპუსის წარმომადგენლები ესწრებოდნენ.
.jpg)
სიახლეების გამოწერა
