მთავრობის კანცელარიაში საჯარო ინფორმაციის გაცემის კუთხით პრობლემების არსებობას უარყოფენ
ეკა გაზდელიანი
12.09.2013
მთავრობის კანცელარიის უფროსი მაია ცქიტიშვილი საჯარო ინფორმაციის გაცემის კუთხით პრობლემების არსებობას უარყოფს.
მისი თქმით, ახალი მთავრობის პირობებში, საჯარო ინფორმაციის მოთხოვნა და გაცემული პასუხების რაოდენობა გაიზარდა.
„მხოლოდ 7 უარი გვაქვს ნათქვამი და იმის გამო, რომ აღნიშნული ინფორმაცია კანცელარიაში არ იყო დაცული. სხვა მხრივ, ყველა განაცხადს პასუხს ვცემთ კანონით დადგენილ ვადაში", - განაცხადა ცქიტიშვილმა.
ინფორმაციის თავისუფლების განვითარების ინსტიტუტის (IDFI)-ის კვლევის თანახმად, საჯარო დაწესებულებებს შორის, რომლებსაც საჯარო ინფორმაციის გაცემის კუთხით შედარებით ცუდი შედეგები აქვთ, მთავრობის კანცელარიაც დასახელდა.
სიახლეების გამოწერა
