საჯარო ინფორმაციის ხელმისაწვდომობის წლიური ანგარიშის პრეზენტაცია

სიახლეები | კორუფციასთან ბრძოლა | პუბლიკაციები | სტატია 11 თებერვალი 2015

ხუთშაბათს, 12 თებერვალს 11:00 საათზე, სასტუმრო „თბილისი მერიოტში“ „ინფორმაციის თავისუფლების განვითარების ინსტიტუტი“ (IDFI) საჯარო ინფორმაციის თვალსაზრისით ყველაზე ღია და დახურულ საჯარო დაწესებულებებს დაასახელებს.


ორგანიზაცია შეაჯამებს, თუ რა მდგომარეობა იყო 2014 წლის განმავლობაში საჯარო უწყებებიდან ინფორმაციის მიღების თვალსაზრისით, შეაფასებს, შენარჩუნდა თუ არა სრულყოფილად გაცემული პასუხების მაღალი მაჩვენებელი, რაც 2012 წლის საპარლამენტო არჩევნების შემდეგ დაფიქსირდა.


IDFI დაწესებულებების გამჭვირვალობის ხარისხს პროექტის 'საჯარო ინფორმაციის მონაცემთა ბაზა- www.opendata.ge“ ფარგლებში 2010 წლიდან აფასებს.


პროექტი ფონდი „ღია საზოგადოება-საქართველოს“ მხარდაჭერით ხორციელდება.


IDFI-ის გუნდის მიერ 2014 წელს პროექტის განხორციელებისას საჯარო ინფორმაციის მოთხოვნით 308 საჯარო დაწესებულებაში სულ 5 466 განცხადება გაიგზავნა.


პროექტის მსვლელობისას წარმოებული სტატისტიკური ანალიზის საფუძველზე გამოვლინდება ის უწყება, რომელმაც ინფორმაციის ხელმისაწვდომობა 2014 წელს ყველაზე მეტად გააუმჯობესა. აგრეთვე, სამინისტროები, რომლებმაც ინფორმაციის პროაქტიულად გამოქვეყნების საუკეთესო პრაქტიკა აჩვენეს. პრეზენტაციაზე დასახელდება ინფორმაციის ხელმისაწვდომობის თვალსაზრისით ყველაზე არაანგარიშვალდებული უწყებებიც.


გარდა ამისა, IDFI-ს სიგელი გადაეცემა საჯარო ინფორმაციის ხელმისაწვდომობის 100%-იანი მაჩვენებლის მქონე დაწესებულებებს.


ღონისძიებას დაესწრებიან როგორც სამინისტროებისა და სსიპ-ების ხელმძღვანელი პირები, ასევე საქართველოში აკრედიტირებული დიპლომატიური კორპუსის, არასამთავრობო ორგანიზაციების და მედიის წარმომადგენები.


***
საკონტაქტო ინფორმაცია:
თამარ იაკობიძე
პროექტის ანალიტიკოსი
ტელ: +9955598241001
ელ-ფოსტა: t.iakobidze@idfi.ge

სხვა მასალები ამ თემაზე
სიახლეები

Covid-19-თან დაკავშირებული გამარტივებული შესყიდვები 2021

26.07.2021

გამოფენა „საბჭოთა კავშირში რეპრესირებული ქალები“ დედაენის ბაღში

23.07.2021

საბჭოთა რეპრესიები ქართველი სტუდენტების მეხსიერებაში

22.07.2021

საინფორმაციო შეხვედრა ქობულეთის მუნიციპალიტეტში

21.07.2021
განცხადებები

მოვუწოდებთ ყველა საჯარო პირს შეწყვიტოს საზოგადოებაში მტრული განწყობების გაღვივება და მედიის დისკრედიტაცია

23.07.2021

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021

მწუხარებას გამოვთქვამთ “TV პირველის“ ოპერატორის, ალექსანდრე ლაშქარავას გარდაცვალების გამო

11.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021