კოალიციური საქმიანობა

15 სექტემბერი 2015 image

ეკონომიკური პოლიტიკის ადვოკატირების კოალიცია

2015 წლის 15 სექტემბერს ამერიკის შეერთებული შტატების საერთაშრისო განვითარების სააგენტოს (USAID) პროექტის „მმართველობა განვითარებისათვის“ (G4G) ინიციატივით შეიქმნა „ეკონომიკური პოლიტიკის ადვოკატირების კოალიცია“ (EPAC). კოალიცია აერთიანებს ორმოცდათვრამეტ (58) ორგანიზაციას, მათ შორის საქართველოში მოქმედ ბიზნესასოციაციებს, სავაჭრო პალატებს, სტრატეგიულ-კვლევით ცენტრებსა და სხვა არასამთავრობო ორგანიზაციებს.
5 აგვისტო 2014 image

კორუფციის წინააღმდეგ ბრძოლის უწყებათაშორისი საბჭო

კორუფციის წინააღმდეგ ბრძოლის უწყებათაშორისი საბჭო (ანტიკორუფციული საბჭო) „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონის საფუძველზე შექმნილი ორგანოა. მის ფუნქციებში შედის ქვეყანაში ანტიკორუფციული საქმიანობის კოორდინაცია, ანტიკორუფციული სტრატეგიისა და სამოქმედო გეგმის განახლება და მათი შესრულების კონტროლი, საერთაშორისო ორგანიზაციების წინაშე ანგარიშგების კონტროლი, შესაბამისი საკანონმდებლო საქმიანობის ინიცირება და რეკომენდაციების მომზადება.
5 აგვისტო 2014 image

კოალიცია დამოუკიდებელი და გამჭვირვალე მართლმსაჯულებისთვის

2011 წლის 29 აპრილს ჩამოყალიბებული კოალიცია დამოუკიდებელ და გამჭვირვალე მართლმსაჯულებისთვის შედგება 31 არასამთავრობო ორგანიზაციისგან. კოალიციის შექმნის მიზანია მიმდინარე სასამართლოს რეფორმების მონიტორინგისა და დამოუკიდებელი და გამჭვირვალე სასამართლოსთვის ადვოკატირების პროცესში პროფესიული იურიდიული ასოციაციების, იურიდიული უფლებების სფეროში მოღვაწე არასამთავრობო ორგანიზაციებისა და ბიზნეს და პროფესიული ასოციაციების ძალისხმევის გაერთიანება. 

 

 
5 აგვისტო 2014 image

აღმოსავლეთის პარტნიორობის სამოქალაქო საზოგადოების ფორუმის საქართველოს ეროვნული პლატფორმა

ევროპის კომისიის ინიციატივით შეიქმნა აღმოსავლეთის პარტნიორობის სამოქალაქო საზოგადოების ფორუმი. ფორუმის შემადგენლობაში შედიან სამოქალაქო-საზოგადოებრივი ორგანიზაციების წარმომადგენლები საქართველოდან, აზერბაიჯანიდან, ბელორუსიდან, მოლდავეთიდან, სომხეთიდან და უკრაინიდან; ევროკავშირის წევრი ქვეყნებიდან; ასევე, საერთაშორისო არასამთავრობო ორგანიზაციების წარმომადგენლები. სამოქალაქო საზოგადოების ფორუმის კოორდინაციისათვის თითოეულ ქვეყანაში იქმნება ეროვნული პლატფორმა.  
4 აგვისტო 2014 image

კოალიცია მედიის ადვოკატირებისთვის

კოალიცია მედიის ადვოკატირებისთვის 2011 წლის აპრილში შეიქმნა. კოალიციის მიზანია ქვეყანაში არსებულ მედიაგარემოს გაუმჯობესებაზე ზრუნვა და მედია მფლობელებისა და ჟურნალისტთა ინტერესების დაცვა.

 
4 აგვისტო 2014 image

ღია მმართველობა საქართველოს ფორუმი

"პარტნიორობა ღია მმართველობისთვის" (Open Government Partnership - OGP) დაფუძნდა 2011 წლის სექტემბერში, როგორც ღია და ანგარიშვალდებული მთავრობების შექმნისადმი მიძღვნილი საერთაშორისო პლატფორმა. დღესდღეობით პლატფორმა 60-ზე მეტ ქვეყანას აერთიანებს. საქართველო პლატფორმას 2011 წლის სექტემბერშივე შეუერთდა. ანალიზითა და რეკომენდაციებით IDFI თავიდანვე აქტიურად იყო ჩართული OGP-ის ფარგლებში საქართველოს მიერ აღებული ვალდებულებების შესრულების ხელშეწყობაში.  

 

 
პირველი 1 2 3 ბოლო შემდეგი
საქმიანობა
კოალიციური საქმიანობა