კანონის უზენაესობისა და ადამიანის უფლებების შესახებ ზამთრის სკოლის გახსნა

სიახლეები | კანონის უზენაესობა და ადამიანის უფლებები | სტატია 10 დეკემბერი 2021

 

10 დეკემბერს, ადამიანის უფლებათა დაცვის საერთაშორისო დღეს, IDFI-ის ზამთრის სკოლის „კანონის უზენაესობა და ადამიანის უფლებები“ გახსნითი ღონისძიება გაიმართა.

 

მონაწილეებს მისასალმებელი სიტყვით მიმართეს IDFI-ის პროგრამების დირექტორმა - ლევან ავალიშვილმა, კანონის უზენაესობისა და ადამიანის უფლებების მიმართულების ხელმძღვანელმა - ქეთევან კუკავამ და შვედეთის საელჩოს განვითარების თანამშრომლობის ხელმძღვანელმა/მისიის ხელმძღვანელის მოადგილემ - ერიკ ილესმა.

 

„კანონის უზენაესობისა და ადამიანის უფლებების დაცვის რეჟიმის გაძლიერების და ამ კუთხით ცნობიერების ამაღლების საჭიროება დღითიდღე უფრო ნათლად იკვეთება. ჩვენი მიზანია ხელი შევუწყოთ სტუდენტების ცოდნის გაღრმავებას, არსებულ გამოწვევებზე დისკუსიებსა და შეხედულებების ურთიერთგაცვლას. ვფიქრობთ, ამგვარი ღონისძიებები მნიშვნელოვანია  ჩვენს ქვეყანაში დემოკრატიული ღირებულებების განმტკიცებისათვის“ - აღნიშნა ლევან ავალიშვილმა.

 

„ზამთრის სკოლაში კონკურსის საფუძველზე შერჩეული 24 სტუდენტი მონაწილეობს, რომელთაც საერთო ღირებულებები და პრინციპები აერთიანებთ. ამ ღონისძიების ფარგლებში სტუდენტებს შეუძლიათ გაიცნონ თანამოაზრეები, თავისუფლად გამოხატონ თავიანთი შეხედულებები, გაიღრმავონ ცოდნა და მიიღონ კარგი გამოცდილება, რაც მათ მომავალში თავიანთი მიზნების მიღწევაში დაეხმარება“ - აღნიშნა ქეთევან კუკავამ.

 

„მე ვფიქრობ ყველა თქვენგანი - ოცდაოთხივე მონაწილე, ასრულებთ განსაკუთრებით მნიშვნელოვან როლს ამ რთულ პერიოდში. ჩვენ ვხედავთ, რომ მსოფლიოს მასშტაბით ადამიანის უფლებებსა და დემოკრატიას ავტორიტარული ძალები საფრთხეს უქმნიან. ამ დღეებში თქვენ განიხილავთ კანონის უზენაესობასთან დაკავშირებულ ძალიან მნიშვნელოვან საკითხებს და ეს ნამდვილად იქნება ქვეყნის დემოკრატიის განვითარების ხელშეწყობა. ზამთრის სკოლის ფარგლებში, თქვენ შეხვდებით ბევრ საინტერესო ადამიანს, ქვეყნის წამყვანი ინსტიტუციების წარმომადგენლებს, რომლებიც ადამიანის უფლებებისა და დემოკრატიის დაცვაზე ზრუნავენ, მათ შორის სახალხო დამცველის სამსახურის ხელმძღვანელებს. მე ძალიან მინდა თქვენთან ერთად ვიყო გუდაურის მთებში, თუმცა წლის ამ პერიოდში ეს არ იყო შესაძლებელი. გისურვებთ ყველაფერ საუკეთესოს და ველი თქვენი აღმოჩენების გაზიარებას” - განაცხადა ერიკ ილესმა ვიდეო მიმართვაში.

 

ზამთრის სკოლაში მონაწილეობენ საქართველოში ავტორიზებული უნივერსიტეტების იურიდიული ფაკულტეტის მე-2, მე-3 და მე-4 კურსის სტუდენტები. სკოლის ფარგლებში განიხილება შემდეგი მნიშვნელოვანი საკითხები: ხელისუფლების დანაწილების პრინციპი, საკონსტიტუციო კონტროლი და სამართალწარმოება, სასამართლოს დამოუკიდებლობა, ღია მმართველობა და ხელისუფლების ანგარიშვალდებულება, ინფორმაციის თავისუფლება, პირადი და ოჯახური ცხოვრების უფლება, სახალხო დამცველისა და სახელმწიფო ინსპექტორის სამსახურის როლი, გამოხატვის თავისუფლება.

 

 

 

ზამთრის სკოლა ტარდება შვედეთის საერთაშორისო განვითარების თანამშრომლობის სააგენტოს (Sida) მხარდაჭერით.

 

ღონისძიების ფოტო გალერეა იხილეთ აქ

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022