OGP-ს ნოემბრის სიახლეები

სიახლეები | პუბლიკაციები | ღია მმართველობა | სტატია 3 დეკემბერი 2012

სანდრო როჩიკაშვილი

 

ნოემბრის თვე რამდენიმე მნიშვნელოვანი სიახლით გამოირჩა, რომლებიც საინტერესო იქნება ღია მმართველობის პარტნიორობაში დაინტერესებულ ნებისმიერი პირისთვის. პირველ რიგში, OGP გაიზარდა და უკვე 58 წევრი ჰყავს მას შემდეგ, რაც მიესალმა არგენტინას, რომელმაც გამოხატა გამჭვირვალობისა და ღიაობის განვითარებისათვის მზადყოფნა.

 

განსაკუთრებული მნიშვნელობა გასულ თვეში მიენიჭა საჯარო შენიშვნებისა და წინადადებების მიღებას. პარტნიორობის მთავარ გვერდზე დაიდო საჯარო კომენტარების შეჯამება სტრატეგიული გეგმის და დამოუკიდებელი ანგარიშგების მექანიზმის კონცეფციის განმარტების შესახებ. გამოქვეყნებული ინფორმაციის მიხედვით, ამ შენიშვნებით საზოგადოებამ დიდი დახმარება გაუწია პარტნიორობას გეგმების გადახედვაში საორგანიზაციო კომიტეტის 5 დეკემბერს ლონდონში შეხვედრის წინ.

 

საჯარო კომენტარებმა გამოკვეთა რამდენიმე საკითხი და პრობლემა. ხელახლა მახვილდებოდა ყურადღება იმ ფაქტზე, რომ გაურკვეველია, თუ როგორ აპირებს პარტნიორობა წევრი ქვეყნების მიერ სამოქმედო გეგმების და აღებული ვალდებულებების შესრულების უზრუნველყოფას. მაშინ როდესაც პარტნიორობა ღია პარტნიორობისთვის არის უმნიშვნელოვანესი საერთაშორისო ინიციატივა, მისი წევრი ქვეყნების მიერ ვალდებულებების არშესრულებას და გამჭვირვალობისა და ღიაობის სტანდარტების იგნორირებას ამჟამად თითქმის არანაირი შედეგები არ მოყვება. გავრცელებული საკითხი იყო ის, რომ ქვეყნები შეიძლება გაწევრიანდნენ პარტნიორობაში აშკარა პოლიტიკური სარგებლის გამო (მაგალითად პოზიტიური რეკლამა), მაშინ როდესაც საზოგადოების მიერ პროგრესის არარსებობის და ვალდებულებების იგნორირების შემჩნევას პრაქტიკულად არანაირი ნეგატიური შედეგები არ მოყვება.

 

აქცენტი ასევე გაკეთდა სამოქალაქო საზოგადოების ორგანიზაციების და მასმედიის ჩართულობაზე მთავრობასთან თანამშრომლობის ხელშეწყობისა და არასამთავრობო დაინტერესებული მხარეებისთვის იმ ბერკეტების მიცემის მიზნით, რომლებიც შეიძლება გამოყენებული იყვნენ მთავრობის მიერ მოვალეობების იგნორირების შემთხვევაში.

 

ამასობაში დამატებით ხუთმა ქვეყნამ წარმოადგინა საკუთარი სამოქმედო გეგმა ან მისი შემუშავების პროგრესის შესახებ გააკეთა განცხადება. აზერბაიჯანმა, მაკედონიამ, განა, ლიბერიამ და მონღოლეთმა დააგვიანეს გეგმების წარმოდგენა აპრილში. აქედან აზერბაიჯანმა და მაკედონიამ ცოტა ხნის წინ წარმოადგინეს გეგმები, რომლებიც ამ თვეში დაიდო OGP-ს გვერდზე, ხოლო დანარჩენი სამის სამოქმედო გეგმენი იმყოფებიან შემუშავების სხვადასხვა ეტაპზე.

 

30 ნოემბერი გახდა დამოუკიდებელი ანგარიშგების მექანიზმის (IRM) ოფიციალური იმპლემენტაციის თარიღი. IRM-ს თავჯდომარეობას გაუწევს 8-წევრიანი დამოუკიდებელ ექპერტთა პანელი, ამათგან სამი წევრის ვინაობა გამოცხადდა იმავე დღეს. ირლანდიის პირველი ქალი პრეზიდენტი და გაეროს ლტოლვილთა ყოფილი უმაღლესი კომისარი, მერი რობინსონი, სუდანში დაბადებული მეწარმე, დოქტორი მო იბრაჰიმი, და მოზამბიკელი პოლიტიკოსი და ნელსონ მანდელას ცოლი, გრაცა მეიქელი, დადასტურებულ იქნენ პანელის უფროსი მრჩევლების პოზიციებზე.

 

როგორც ზევით აღინიშნა, საორგანიზაციო კომიტეტი შეხვედრას გამართავს 4 დეკემბერს ლონდონში. ამ შეხვედრაზე გამოიკვეთება OGP-ს სტრატეგიულ გეგმაში საჯარო კომენტარების შედეგად შეტანილი ცვლილებები და ინიციატივის 2013 წლისთვის შემუშავებული სამომავლო გეგმები.

 

სხვა მასალები ამ თემაზე
სიახლეები

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022

კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

24.01.2022

პოლონეთის ეროვნული მეხსიერების უნივერსიტეტის (IPN) სამეცნიერო ჯგუფი აჭარაში მასობრივი ტერორის მსხვერპლთა სამარხებს შესწავლის

24.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022