ღია მმართველობა საქართველო – საჯარო კონსულტაციები 2014

სიახლეები | პუბლიკაციები | ღია მმართველობის პარტნიორობა | სტატია 17 მარტი 2014

2014 წლის 15 მარტიდან საქართველოს მთავრობა ქვეყნის მასშტაბით საჯარო კონსულტაციებს მართავს. შეხვედრები მიზანად ისახავს, საზოგადოებას მიაწოდოს ინფორმაცია მომდევნო ორი წლის მანძილზე მთავრობის მიერ დაგეგმილი იმ ღონისძიებების შესახებ, რაც ღია და მონაწილეობითი მმართველობის უზრუნველყოფას ემსახურება.

შეხვედრების მიზანია საზოგადოების ჩართულობის გაზრდა, მათი მოსაზრებების, იდეების შეკრება, რათა მთავრობის სამოქმედო გეგმა და გაწერილი ღონისძიებები პასუხობდეს მოქალაქეთა საჭიროებებს.

 

შეხვედრები ორგანიზებულია საქართველოს იუსტიციის სამინისტროს მიერ. რეკომენდაციები საჯარო კონსულტაციების მოწყობის თაობაზე ღია მმართვველობის ფორუმის წევრი არასამთავრობო ორგანიზაციების მიერ მომზადდა და მიეწოდა მთავრობას. არასამთავრობოების წარმომადგენლები აქტიურად მონაწილეობენ საჯარო კონსულტაციებში და იუსტიციის სამინისტროს წარმომადგენლებთან ერთად მართავენ შეხვედრებს საქართველოს სხვადასხვა რეგიონში.

შეხვედრები ადმინისტრაციულ ცენტრებში იმართება ადგილობრივი მედიის, არასამთავრობოების, თვიმმართველობისა და პოლიტიკური პარტიების წარმომადგენლებთან. პროცესში ჩართული არიან უმაღლესი სასწავლებლები, სკოლები, პროფკავშირები, ბიბლიოთეკარები, უმცირესობები და ადგილობრივი ბიზნესის წარმომადგენლები.

შეხვედრის ორგანიზატორები ინიშნავენ ყველა იდეას, მოსაზრებასა და საზოგადოების მოთხოვნას. მთავრობა ორწლიან სამოქმედო გეგმას სწორედ სამოქალაქო და ფართო საზოგადოების მოსაზრებების და საჭიროებების გათვალისწინებით შეიმუშავებს.

 

მოქალაქეებს მთავრობისთვის საკუთარი ხედვების და იდეების მიწოდება შეუძლიათ ასევე იუსტიციის სამინისტროს ვებ-გვერდის მეშვეობით. სამინისტროს გვერდზე განთავსებულია ღია მმართველობა საქართველოს ბანერი, რომელსაც გადავყავართ სპეციალურ გვერდზე, სადაც ხელმისაწვდომია ინფორმაცია ღია მმართველობის პარტნიორობის (OGP) პრინციპებისა და პრიორიტეტების შესახებ. ასევე წარმოდგენილია პირველი სამოქმედო გეგმა და მისი შესრულების ანგარიში. მიწერის ფორმის ან ელ-ფოსტის გამოყენებით მოქალაქეებს შეუძლიათ გაგზავნონ საკუთარი მოსაზრებები, თუ რა ღონისძიებები უნდა გატარდეს, რომ მთავრობა გახდეს კიდევ უფრო ღია, გამჭვირვალე და ანგარიშვალდებული.

საჯარო კონსულტაციები 15 მარტს კახეთის რეგიონით დაიწყო და 15 აპრილამდე გაგრძელდება. შეხვედრები გაიმართება თბილისში, ქართლის, იმერეთის, სამეგრელოს, გურიის, აჭარის, მცხეთა-მთიანეთისა და სამცხე-ჯავახეთის სხვადასხვა ქალაქებში.

 

ღია მმართველობა საქართველოს 2014 წლის საჯარო კონსულტაციების განრიგი

 

კახეთი

  თელავი

გოგებაშვილის სახელობის თელავის სახელმწიფო უნივერსიტეტი (ქართული უნივერსიტეტის ქუჩა N1), 15 მარტი 11:00-13:00
დემოკრატიული ჩართულობის ცენტრი (ვაჟა–ფშაველას ქ. 3), 15 მარტი, 15:00-17:00

  საგარეჯო

დემოკრატიული ჩართულობის ცენტრი (რუსთაველის ქ. 240 ), 15 მარტი, 11:00-13:00

  ყვარელი

საქართველოს იუსტიციის სასწავლო ცენტრი (ილიას გორა), 20 მარტი; შეხვედრა ჟურნალისტებთან

  სოფელი შაშიანი (გურჯაანის მუნიციპალიტეტი)

საზოგადოებრივი ცენტრი, 15 მარტი, 12:00-14:00

 

ქართლი

 გორი

დემოკრატიული ჩართულობის ცენტრი (სტალინის ქ. 7), 17 მარტი, 12:00-14:00

 რუსთავი

დემოკრატიული ჩართულობის ცენტრი (კოსტავას ქ. 22), 19 მარტი, 11:00-13:00

 მარნეული

დემოკრატიული ჩართულობის ცენტრი (გიორგაძის ქ. 1), 19 მარტი, 11:00-13:00

 

 

იმერეთი

  ქუთაისი

დემოკრატიული ჩართულობის ცენტრი (პუშკინის ქ. 6), 22 მარტი, 12:00-14:00
აკაკი წერეთლის სახელმწიფო უნივერსიტეტი (თამარ მეფის ქ. 59), 16:00-18:00

  სოფელი ხევი (ხარაგაულის მუნიციპალიტეტი),

საზოგადოებრივი ცენტრი, 22 მარტი, 12:00-14:00

 

მცხეთა-მთიანეთი

  მცხეთა

მცხეთის მუნიციპალიტეტის მთავარი ბიბლიოთეკა (მამულაშვილის ქ. 12), 28 მარტი, 14:00-16:00

 

სამეგრელო

  ზუგდიდი

დემოკრატიული ჩართულობის ცენტრი (რუსთაველის ქ. 52), 29 მარტი, 12:00-14:00

შოთა მესხიას სახელობის ზუგდიდის სახელმწიფო სასწავლო უნივერსიტეტი (ჯანაშიას ქ. 14), 29 მარტი, 16:00-18:00

 

სხვა მასალები ამ თემაზე
სიახლეები

დამოუკიდებელმა ინსპექტორმა IDFI-ის ადმინისტრაციული საჩივარი ნაწილობრივ დააკმაყოფილა

09.07.2020

საქართველოს კომუნიკაციების ეროვნული კომისიის (GNCC) საქმიანობაში არსებობს გამჭვირვალობის ხარვეზები

09.07.2020

არასამთავრობო ორგანიზაციები ხელისუფლებას მოუწოდებენ შექმნას დამოუკიდებელი ანტიკორუფციული სააგენტო

08.07.2020

IDFI-მ რეპრესირებულთა საყოფაცხოვრებო სუბსიდიის გაზრდის მიზნით კამპანია დაიწყო

06.07.2020
განცხადებები

არასამთავრობო ორგანიზაციები ხელისუფლებას მოუწოდებენ შექმნას დამოუკიდებელი ანტიკორუფციული სააგენტო

08.07.2020

კოალიცია მედია ადვოკატირებისთვის განცხადებას ავრცელებს

26.06.2020

მოვუწოდებთ კახა კალაძეს იფიქროს ჟურნალისტების უსაფრთხოებაზე

24.06.2020

ინფორმაციული უსაფრთხოების შესახებ კანონპროექტი მეორე მოსმენის რეჟიმს დაუბრუნდა

23.06.2020
ბლოგპოსტები

კოვიდ-19-ის დროს რუსეთის ფედერაციის კანონმდებლობაში შეტანილი ცვლილებები

15.06.2020

Covid 19-ის გავლენა საარჩევნო პროცესებზე მსოფლიოში

11.06.2020

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020