„ინფორმაციის თავისუფლების განვითარების ინსტიტუტი“ (IDFI) შეუერთდა OGP-ის დეკლარაციას „ღია მმართველობა მდგრადი განვითარების დღის წესრიგის განხორციელებისათვის“

სიახლეები | პუბლიკაციები | ღია მმართველობის პარტნიორობა | სტატია 9 ოქტომბერი 2015

2015 წლის 25 სექტემბერს, გაეროს დაარსებიდან 70-ე წლისთავზე, გაერთიანებული ერების ორგანიზაციის გენერალურმა ასამბლეამ მდგრადი განვითარების 2030 წლის დღის წესრიგი სათაურით - „ჩვენი სამყაროს ტრანსფორმაცია: მდგრადი განვითარების დღის წესრიგი 2030 წლისთვის“ დაამტკიცა. აღნიშნული დოკუმენტი შედგება 17 მიზნისა და 169 ამოცანისგან. ეს მიზნები ავსებს ერთმანეთს, არის ერთმანეთისგან განუყოფელი და აბალანსებს მდგრადი განვითარების სამივე განზომილებას: ეკონომიკურს, სოციალურსა და გარემოსდაცვითს. დღის წესრიგი ეხება პლანეტისა და კაცობრიობისთვის კრიტიკულად მნიშვნელოვან ყველა სფეროს: კეთილდღეობას, მშვიდობასა და თანამშრომლობას.


დოკუმენტში ჩამოყალიბებული მიზნები და მათ განსახორციელებლად შემუშავებული ამოცანები თანხვედრაშია ღია მმართველობის პარტნიორობის (OGP) მიზნებთან. უფრო მეტიც, ღია მმართველობის პარტნიორობა (OGP) შეიძლება მოგვევლინოს, როგორც გაეროს მდგრადი განვითარების მიზნების განხორციელების ეფექტური საშუალება. განსაკუთრებით აღსანიშნავია გაეროს მდგრადი განვითარების მე-16 მიზანი, რომელიც მოიცავს ისეთ ამოცანებს როგორიცაა ეფექტიანი, ანგარიშვალდებული და გამჭვირვალე ინსტიტუტების განვითარება ყველა დონეზე, საჯარო ინფორმაციაზე საზოგადოებრივი წვდომის უზრუნველყოფა, კანონის უზენაესობის ხელშეწყობა და ა. შ. აღნიშნული ამოცანები სრულ შესაბამისობაშია ღია მმართველობის პარტნიორობის პრინციპებთან.

 

27 სექტემბერს, გაეროს გენერალური ასამბლეის მიერ მდგრადი განვითარების მიზნების დამტკიცებიდან ორ დღეში, ღია მმართველობის პარტნიორობის მმართველი კომიტეტის 11-მა ქვეყანამ შეიმუშავა და მიიღო დეკლარაცია სახელწოდებით - „ღია მმართველობა მდგრადი განვითარების დღის წესრიგის განხორციელებისთვის“. დეკლარაციის ტექსტი მიესალმება დღის წესრიგის შინაარსსა და მდგრადი განვითარების მიზნების ეფექტიან განხორციელებაში გამჭვირვალობისა და ღია მმართველობის არსებითი როლის აღიარებას. დეკლარაციის თანახმად, ღია მმართველობის პარტნიორობა გეგმავს ყურადღება მიაპყროს 5 არსებით სფეროს: (1) საერთაშორისო სტანდარტების შესაბამისად კანონის უზენაესობის უზრუნველყოფა ეროვნულ, რეგიონალურ და საერთაშორისო დონეზე გამჭვირვალობის, ღიაობის, ანგარიშვალდებულების გზით; (2) სამართალსა და საჯარო ინფორმაციაზე წვდომის უზრუნველყოფა; (3) 2030 წლის დღის წესრიგის განხორციელებაში მოქალაქეთა ჩართულობის ხელშეწყობა; (4) 2030 დღის წესრიგის განხორცილების შეფასებისას ღია მმართველობის პარტნიორობის პრინციპებით ხელმძღვანელობა და (5) ღია მმართველობის პარტნიორობის სამოქმედო გეგმების გამოყენება მდგრადი განვითარების მიზნების განხორციელების ხელშეწყობისთვის. აღნიშნული მიზნები შეესაბამება 2030 წლისთვის მდგრადი განვითარების მიზნებს.


ამავდროულად, ღია მმართველობის პარტნიორობის მმართველი კომიტეტი მოუწოდებს სახელმწიფო და საზოგადოებრივ ორგანიზაციებს შეუერთდნენ და მხარი დაუჭირონ ღია მმართველობის პარტნიორობის მმართველი კომიტეტის მიერ შემუშავებულ დეკლარაციას.


„ინფორმაციის თავისუფლების განვითარების ინსტიტუტი“ (IDFI), როგორც ღია მმართველობის პარტნიორობის და საპარლამენტო ღიაობის დეკლარაციის მხარდამჭერი არასამთავრობო ორგანიზაცია საქართველოში 2015 წლის 8 ოქტომბერს შეუერთდა ღია მმართველობის პარტნიორობის მმართველი კომიტეტის მიერ შემუშავებულ დეკლარაციას. ამავდროულად, IDFI მოუწოდებს ყველა პარტნიორს გამოხატონ მხარდაჭერა დეკლარაციის მიმართ და ერთობლივი ძალისხმევით მიიღონ მონაწილეობა გაეროს მდგრადი განვითარების მიზნების განხორციელებაში.


ამასთანავე, მოსალოდნელია, რომ 28 ოქტომბერს, ღია მმართველობის პარტნიორობის გლობალურ სამიტზე, ქალაქ მეხიკოში, დეკლარაციას ღია მმართველობის პარტნიორობის ყველა წევრი ქვეყანა შეუერთდება.

სხვა მასალები ამ თემაზე
სიახლეები

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021

პანდემიის გავლენა დანაშაულის სტატისტიკაზე

07.04.2021

მუნიციპალურ ა(ა)იპ-ებსა და შპს-ებში დასაქმებული თანამშრომლები და შრომის ანაზღაურების ხარჯები

06.04.2021

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის წევრებმა სამუშაო შეხვედრა გამართეს

02.04.2021
განცხადებები

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021

კოალიცია უზენაესი სასამართლოს დაკომპლექტების წესში დაანონსებულ ცვლილებებს ეხმიანება

29.03.2021

IDFI-ის განცხადება პირადი ცხოვრების ამსახველი ჩანაწერების თაობაზე

23.03.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021