IDFI-მ ციფრულ მაუწყებლობაზე გადასვლის სტრატეგიის პროექტი წარმოადგინა

სიახლეები | მედია, ინტერნეტი და ინოვაციები | პუბლიკაციები | სტატია 24 მაისი 2013

2013 წლის 21 მაისს  ინფორმაციის თავისუფლების განვითარების ინსტიტუტმა (IDFI) ფონდ „ღია საზოგადოება - საქართველოს“ მხარდაჭერით, საქართველოს ციფრულ მაუწყებლობაზე გადასვლის სტრატეგიის პროექტი წარმოადგინა.
შეხვედრას საკანონმდებლო და აღმასრულებებლი ხელისუფლების, არასამთავრობო ორგანიზაციების, საქსელო პროვაიდერებისა და მაუწყებლების წარმომადგენლები ესწრებოდნენ.


IDFI -ს ექსპერტმა უჩა სეთურმა დამსწრე საზოგადოებას ჩატარებული კვლევის საფუძველზე მომზადებული რეკომენდაციები გააცნო. ინსტიტუტის მიერ შემუშავებული სტრატეგია მოიცავს ყველა საკვანძო მიმართულებას, რომელიც ანალოგურიდან ციფრულ მაუწყებლობაზე გადასვლის პროცესის წარმატებით განხორციელებისათვის და ციფრული მაუწყებლობის კონკურენტ პლატფორმად ჩამოყალიბებისთვისაა საჭირო: დოკუმენტში დეტალურადაა ჩამოყალიბებული ტექნიკური პარამეტრები, მაუწყებლობის ლიცენზირება, სახელმწიფო სუბსიდირების პოლიტიკა, კონკურენციის რეგულირების პოლიტიკა, რეგიონული მაუწყებლების დახმარების პოლიტიკა, ბიზნესმოდელი, საინფორმაციო კამპანიის წარმოება.


სტრატეგია ადგენს დამატებითი პირობებს და კრიტერიუმებს ციფრულ მიწისზედა სატელევიზიო ქსელში პროგრამების განთავსების პრიორიტეტებისთვის გარდამავალ და შემდგომ პერიოდში. სტრატეგია განსაზღვრავს კომერციული მაუწყებლების მულტიპლექსორის რესურსებთან დაშვების წესს შეზღუდული რესურსის არსებობის შემთხვევაში.


პრეზენტაციის შემდეგ შეხვედრა დისკუსიის რეჟიმში გაგრძელდა. სფეროს ექსპერტებმა საჯარო და სამოქალაქო სექტორიდან განიხილეს წარმოდგენილი დოკუმენტი  და ციფრულ მაუწყებლობაზე გადასვლასთან დაკავშირებულ პრობლემებზე იმსჯელეს.


ხაზგასმით აღინიშნა, რომ მნიშვნელოვანია გააქტიურდეს სახელმწიფო დაწესებულებების, კერძოდ ეკონომიკისა და მდგრადი განვითარების სამინისტროსა და კონკურენციისა და სახელმწიფო შესყიდვების სააგენტოს მუშაობა ამ მიმართულებით. მითუმეტეს, რომ ევროპის ქვეყნებმა ციფრულ მაუწყებლობისთვის  მზადება მინიმუმ 5 წლით ადრე დაიწყეს, საქართველოს კი ამისთვის 2 წელზე ნაკლები დრო აქვს დარჩენილი.


მაუწყებლების შეკითხვებს ეკონომიკის სამინისტროს კავშირგაბმულობისა და საინფორმაციო ტექნოლოგიების დეპარტამენტის წარმომადგენელმა ქალბატონმა ეკა ყუბუსიძემ უპასუხა.   მისი თქმით ეკონომიკისა და მდგრადი განვითარების სამინისტროში მიმდინარეობს მუშაობა და გაციფრულების სახელმწიფო სტრატეგიის დოკუმენტის ჩამოყალიბების პროცესში IDFI-ს რეკომენდაციები გათვალისწინებული იქნება.

სხვა მასალები ამ თემაზე
სიახლეები

ღია მონაცემების სახელმძღვანელო საჯარო მოხელეებისთვის

04.12.2020

IDFI-იმ ზუგდიდის მერიის თანამშრომლებს გამჭვირვალობისა და კეთილსინდისიერების ტრენინგი ჩაუტარა

03.12.2020

ბიზნესის კორუფციის რისკის ინდექსის 2020 წლის მაჩვენებლები

03.12.2020

ლევან ავალიშვილის ლექცია - ინფორმაციის თავისუფლება კორუფციასთან ბრძოლაში

01.12.2020
განცხადებები

საჯარო მმართველობის პოლიტიკის დოკუმენტების შემუშავებასთან დაკავშირებით IDFI-სა და GYLA-ს ერთობლივი განცხადება

03.12.2020

EMC და IDFI დამოუკიდებელი საგამოძიებო მექანიზმის გამოწვევებზე

01.12.2020

კომენდანტის საათის მანიფესტაციებზე გავრცელება, უკიდურისად გაამწვავებს პოლიტიკურ კრიზისს

09.11.2020

გამოვხატავთ მზადყოფნას მედიას მატერიალური და მორალური ზიანის ანაზღაურების მიზნით გავუწიოთ უფასო იურიდიული დახმარება

09.11.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020