ვაკანსია - ასისტენტ-ანალიტიკოსი

სიახლეები 9 აგვისტო 2015

IDFI და ბრემენის უნივერსიტეტი გერმანიის საგარეო საქმეთა სამინისტროს დაფინანსებით ახორციელებენ პროექტს "სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება". აღნიშნული პროექტის მიზანია საქართველოს მთავრობის სტრატეგიული დოკუმენტის - საქართველოს სოციალურ-ეკონომიკური განვითარების სტრატეგია ,,საქართველო 2020“, და მასში შემავალი მიზნების შესახებ საჯარო დისკუსიების სტიმულირება და ინფორმირებულობის ზრდა საქართველოში.


პროექტი 2014-2015 წლებში განხორციელებული ხუთთვიანი აქტივობების გაგრძელებაა (განვლილ პროექტზე დეტალური ინფორმაციის მისაღებად იხილეთ ბმული https://idfi.ge/ge/strategic-plan-georgia-2020). ახალი საგრანტო ხელშეკრულებით 2015-2016 წლის პროექტი "სტრატეგიული გეგმა საქართველო 2020 - სამოქალაქო საზოგადოების გაძლიერება" მოიცავს შვიდ თვიან პერიოდს და მის ფარგლებში დაგეგმილია:


• ინტერნეტ სივრცის აქტიური მომხმარებლების (ბლოგერების, ანალიტიკოსების, პოდკასტერების და სხვა პირების) მხარდასაჭერი ღონისძიებებისა და კონკურსის ორგანიზება;
•  სალექციო კურსების ჩატარება საქართველოს სხვადასხვა უმაღლეს სასწავლებლებში (მათ შორის - თბილისი, ბათუმი, ქუთაისი, ახალციხე, თელავი);
• "საქართველო 2020"-თან დაკავშირებული დისკუსიების ორგანიზება სახელმწიფო უწყებების წარმომადგენლებისა და დაინტერესებული საზოგადოებრივი ჯგუფების მონაწილეობით;
• "საქართველო 2020"-თან დაკავშირებული სამეცნიერო ფორუმის ჩატარება 2016 წლის თებერვალში.


IDFI აცხადებს ვაკანსიას პროექტის ასისტენტ-ანალიტიკოსის პოზიციაზე.


ანაზღაურება: 1680 ლარი (დარიცხული)
ვაკანტური ადგილების რაოდენობა: 1
სამსახურის ადგილმდებარეობა: თბილისი
სამუშაოს ტიპი: სრული განაკვეთი

 


სამუშაოს აღწერა:

• პროექტის ფარგლებში დაგეგმილი აქტივობების ორგანიზებაში მონაწილეობის მიღება:
o ბლოგერების კონკურსის გამოცხადება, ვორქშოპის ორგანიზება და ჩატარება, შემოსული აპლიკაციების დამუშავება, დასკვნითი ღონისძიების ორგანიზება და ჩატარება, მასმედიასთან ურთიერთობა/გაშუქება, სხვა სახის საორგანიზაციო საკითხები;
o ლექტორებთან ურთიერთობა, ვიზიტის დაგეგმვა, ორგანიზება, მისი განხორციელების ხელშეწყობა;
o დისკუსიების ორგანიზება და მოწყობა (საორგანიზაციო და ტექნიკური საკითხები), მასმედიასთან ურთიერთობა/გაშუქება;
o სამეცნიერო ფორუმის ორგანიზება (ტექნიკური და საორგანიზაციო საკითხები), მასმედიასთან ურთიერთობა/გაშუქება;
• აქტივობების ფარგლებში განხილული თემების მიხედვით პოლიტიკის დოკუმენტებისა (policy paper) და მსგავსი ანალიტიკური სახის ნაშრომების დაწერა;
• პროექტით დასახული ამოცანების მისაღწევად საჭირო ყველა იმ მოქმედების განხორციელება, რაც შეესაბამება პროექტის ასისტენტ-ანალიტიკოსის ჩვეულებრივ საქმიანობას.

 


საკვალიფიკაციო მოთხოვნები:


• მინიმუმ ერთ წლიანი შესაბამისი სამუშაო გამოცდილება
• მაგისტრის ხარისხი (სასურველია ეკონომიური ან პოლიტიკური მეცნიერებების განხრით; აგრეთვე სასურველია აპლიკანტი ფლობდეს დოქტორის აკადემიურ ხარისხს)
• ინგლისური ან/და გერმანული ენების სრულყოფილად ცოდნა
• საოფისე კომპიუტერული პროგრამების ცოდნა
• მაღალი პასუხისმგებლობის გრძნობა, დეტალებზე ორიენტირებულობა, კომუნიკაბელურობა, პუნქტუალურობა, ორგანიზებულობა, პრიორიტეტების სწორად განსაზღვრის და დაძაბულ სამუშაო რეჟიმში მუშაობის უნარი.

 

აპლიკაციის პროცესი:


დაინტერესებულმა პირებმა გთხოვთ გამოაგზავნოთ CV, სამოტივაციო წერილი (არაუმეტეს 300 სიტყვისა, რომელიც აღწერს თუ რატომ არის აპლიკანტი შესაფერისი კანდიდატი და რატომ არის დაინტერესებული გამოცხადებული ვაკანსიით IDFI-ში) და უცხო ენის დამადასტურებელი სერთიფიკატი შემდეგ მისამართზე: vacancies@idfi.ge.


გთხოვთ, სათაურის ველში მიუთითოთ ვაკანსიის დასახელება - "ასისტენტ-ანალიტიკოსი".


შერჩევა ჩატარდება სამ ეტაპად: პირველ ეტაპზე მოხდება განაცხადების გადარჩევა და შერჩეული აპლიკანტების მეორე ეტაპზე - გასაუბრებაზე დაბარება (გასაუბრება შესაძლებელია დისტანციურად, Skype-ს საშუალებით). მესამე ეტაპზე გადასულ აპლიკანტებს დაევალებათ მოკლე წერითი ნაშრომის წარმოდგენა.


განაცხადის შემოტანის ბოლო ვადაა 16 აგვისტო.


გისურვებთ წარმატებებს!

სხვა მასალები ამ თემაზე
სიახლეები

საქართველო კანონის უზენაესობის 2020 წლის ინდექსში

26.03.2020

ინფექციური დაავადებების სტატისტიკა საქართველოში

25.03.2020

საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს

23.03.2020

კორუფციასთან ბრძოლის საგანმანართლებლო პროგრამა დისტანციურად გრძელდება

17.03.2020
განცხადებები

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020
ბლოგპოსტები

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020

სოციალური დახმარებები VS არჩევნები

02.03.2020