20 ივნისს საქართველოს ეროვნული უშიშროების საბჭოსა და ინფორმაციის თავისუფლების განვითარების ინსტიტუტს (IDFI) შორის ურთიერთთანამშრომლობის მემორანდუმი გაფორმდა.

მემორანდუმი, რომელსაც ხელს საბჭოს მდივანი ირინე იმერლიშვილი და ინსტიტუტის დირექტორი გიორგი კლდიაშვილი აწერენ, ითვალისწინებს საბჭოს საქმიანობის უპრეცედენტო გამჭვირვალობას, საზოგადოებრივი ანგარიშვალდებულების ამაღლებას, კანონმდებლობით გათვალისწინებული საჯარო ინფორმაციის პროაქტიული გამოქვეყნების სტანდარტის შემუშავებას, პრაქტიკაში დანერგვასა  და საბჭოს ოფიციალური ვებ-გვერდის არსებულ სტანდარტებთან შესაბამისობაში მოყვანას.

მემორანდუმის მიხედვით, IDFI, საზოგადოებრივ საწყისებზე, საბჭოს დაეხმარება გამჭვირვალობისა და ღიაობის მაღალი სტანდარტის შემუშავებაში, კერძოდ ვებ-გვერდზე გამოსაქვეყნებელი საჯარო ინფორმაციის ნუსხის შემუშავებაში, რომლის მიხედვითაც საბჭო უახლოეს დღეებში გამოაქვეყნებს ინფორმაციას საბჭოს მდივნის, მოადგილეების, საბჭოს აპარატის სტრუქტურული ერთეულების, ხელმძღვანელ პირებზე გაწეული ხარჯების (სახელფასო განაკვეთი, პრემია და დანამატი), საბჭოს საქმიანობასთან დაკავშირებული ადმინისტრაციული ხარჯების შესახებ.

IDFI ასევე კონსულტაციას გაუწევს საბჭოს სხვადასხვა საკითხებზე, როგორიც არის საბჭოს მიერ განსახორციელებელი სახელმწიფო შესყიდვების გამჭვირვალობა და საბჭოში ანაზღაურების სისტემის ახალი სისტემის შემუშვება.

/public/upload/IDFI/ushishroeba.geo.pdf