კოალიციამ მედიის ადვოკატირებისთვის 10 სექტემბერს მიმართა საზოგადოებრივი მაუწყებლის (GPB) გენერალურ დირექტორს გიორგი ბარათაშვილს და სამეურვეო საბჭოს თავმჯდომარეს გრიგოლ გოგელიას, წერილობით და საჯაროდაც განმარტონ ეკა მიშველაძის პოლიტიკური გადაცემიდან ჩამოშორების მიზეზი.

გადაცემა ,,პირველი სტუდიის” წამყვანის პოზიციიდან ეკა მიშველაძის მოხსნის შესახებ გავრცელებულმა ინფორმაციამ საზოგადოებაში გაააჩინა კითხვები მაუწყებლის ქცევის კოდექსის შერჩევით გამოყენებასთან დაკავშირებით.

„კოალიცია მოგიწოდებთ, წერილობით პასუხთან ერთად, გააკეთდეს საჯარო განმარტება - ინტერესთა კონფლიქტის საკითხთან დაკავშირებით: რა წრეს მოიაზრებს მენეჯმენტი შემდეგ ჩანაწერში: ,,ინტერესთა კონფლიქტის თავიდან ასაცილებლად, თანამშრომლებმა არ უნდა გააშუქონ ოჯახის წევრების და ახლო ნათესავების საქმიანობა” ? როგორია საზოგადოებრივი მაუწყებლის პრაქტიკა ამ მიმართულებით?, ნათქვამია კოალიციის მიმართვაში.

ამასთან, არასამთავრობო ორგანიზაციების აზრით, მნიშვნელოვნია, რომ ცნობილი გახდეს, ქცევის კოდექსის შესრულებასთან დაკავშირებით, როგორ ხდება პროცესების მართვა და გადაწყვერტილების მიღება საზოგადოებრივ მაუწყებელში? ვინ არის პასუხისმგებელი ქცევის კოდექსის შესახებ თანამშრომელთა ინფორმირებაზე? ვინ და რა პერიოდულობით ახორციელებს მონიტორინგს?

კოალიციის წევრი ორგანიზაციები:

•მედიაკლუბი
•საქართველოს ჟურნალისტური ეთიკის ქარტია
•ინფორმაციის თავისუფლების განვითარების ინსტიტუტი
•ფონდი „ღია საზოგადოება - საქართველო“
• საქართველოს რეგიონულ მაუწყებელთა ასოციაცია
•სამოქალაქო განვითარების ინსტიტუტი
•არასამთავრობო ორგანიზაცია „სამოქალაქო საზოგადოებისათვის“
•ლევან მიქელაძის სახელობის ფონდი
•საქართველოს რეგიონული მედიის ასოციაცია
•რეგიონულ ტელევიზიათა ქსელი
. საქართველოს ახალგაზრდა იურისტთა ასოციაცია