3 მაისი პრესის თავისუფლების საერთაშორისო დღეა

სიახლეები | აქტუალური თემები | სტატია | მედია და გამოხატვის თავისუფლება 3 მაისი 2022

 

გვსურს მადლობა ვუთხრათ ჟურნალისტებს და მედიის სხვა წარმომადგენლებს ამ რთული პროფესიის ერთგულებისთვის. საზოგადოება ხედავს მხოლოდ ნაწილს იმ მძიმე შრომისა, რომელშიც ყოველდღიურად ჩართულია მედია.

 

სამწუხაროდ,  საქართველოში  ჟურნალისტები მათი პროფესიული მოვალეობის შესრულებისას ხშირად ხდებიან თავდასხმის, დისკრიმინაციის და დევნის სამიზნე. 2021 წელს ლექსო ლაშქარავას გარდაცვალება დიდხანს დარჩება მძიმე ტრავმად ქართული მედიისათვის და მთელი საზოგადოებისათვის, ხოლო 5 ივლისის თავდასხმის ორგანიზატორთა დაუსჯელობა - სამარცხვინო ლაქად ქართული მართლმსაჯულებისათვის.

 

შეუძლებელია განსაკუთრებულად არ დავაფასოთ ქართველი თუ საერთაშორისო ჟურნალისტების, ოპერატორებისა და ფოტორეპორტიორების შრომა, რომლებიც ახლა რუსული სამხედრო აგრესიის პირობებში, საკუთარი სიცოცხლის რისკის ფასად გვიყვებიან ამბებს უკრაინიდან.

 

განსაკუთრებულ მხარდაჭერას იმსახურებენ უკრაინელი ჟურნალისტები, რომლებიც უწყვეტად აშუქებენ რუსეთის ომს მათი ქვეყნის წინააღმდეგ. კოალიცია უერთდება  უკრაინული მედიის მხარდამჭერ კამპანიას [2], რომელიც 20 ივნისამდე გაგრძელდება და რომლის მიზანიც  საქართველოდან 100 000 ამერიკული დოლარის  შეგროვებაა. კამპანიაში უკვე მონაწილეობენ საერთაშორისო მედიასაშუალებები და ფონდები. 

 

ომში მომუშავე ჟურნალისტების დახმარება ახლა შეუძლიათ მოქალაქეებს, ცალკეულ ჟურნალისტებს, მედიასაშუალებებს, ორგანიზაციებს თუ ბიზნესკომპანიებს – ყველას, ვისაც თავისუფალი სიტყვის და ინფორმაციის მნიშვნელობა ესმის. 

 

მოვუწოდებთ საზოგადოებას თუნდაც მცირე შენატანით დავეხმაროთ უკრაინელ ჟურნალისტებს, რათა მათ შეძლონ გააგრძელონ მუშაობა და მსოფლიოს გააგებინონ სიმართლე ომზე, რომელმაც ისინი, გამოცდილების თუ სურვილის მიუხედავად, ომის ჟურნალისტებად აქცია.

 

უკრაინაში დამოუკიდებელი ჟურნალისტიკის გადარჩენისთვის დონაცია: https://batumelebi.tilda.ws/forukraine  / https://www.gofundme.com/f/keep-ukraines-media-going   

 

[1] World Press Freedom Day https://bit.ly/3LCgbiP 

 

[2] ვეხმარებით უკრაინულ მედიას  https://bit.ly/3s8GvsV 

 

 

 

სხვა მასალები ამ თემაზე
სიახლეები

საქართველო ინოვაციების გლობალურ ინდექსში - 2022 წლის შედეგები

08.12.2022

შინაურ ბინადარ ცხოველთა კეთილდღეობის გამოწვევები: კანონმდებლობა და პრაქტიკა საქართველოში

07.12.2022

1930-იანი წლების რეპრესიების ასახვა თანამედროვე საქართველოს სასკოლო სახელმძღვანელოებში

01.12.2022

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022