სასამართლომ გიორგი კლდიაშვილის წინააღმდეგ სისხლის სამართლებრივი დევნა შეწყვიტა. - ამის შესახებ საქალაქო სასამართლოდან „ლიბერალის“ კორესპონდენტი იტყობინება.
მოსამართლე მერაბ ჯორბენაძის გადაწყვეტილებით, კლდიაშვილს გირაოს თანხა უკან დაუბრუნდება.
ბრალდების მხარეს დევნის შეწყვეტის შესახებ გადაწყვეტილების გასაჩივრება 5 დღის ვადაში შეუძლია.
გიორგი კლდიაშვილს ბრალი სისხლის სამართლის კოდექსის 236-ე მუხლის მე-2 ნაწილით (ცეცხლსასროლი იარაღის მართლსაწინააღმდეგო ტარება) წარედგინა. დაცვის მხარე კი საქმის წარმოებას ადმინისტრაციული წესით ითხოვდა.
კლდიაშვილის ადვოკატ ლევან ვეფხვაძის განცხადებით, მოსამართლემ სამართლებრივი გადაწყვეტილება მიიღო. რაც შეეხება ადმინისტრაციული სამართალდარღვევის თემას, მისი თქმით, ეს უკვე შინაგან საქმეთა სამინისტროს საკითხია და გადაწყვეტილების მიღების შემთხვევაში, შსს საქმეს სასამართლოში შეიტანს.
იხილეთ ბმული
სიახლეების გამოწერა
