თამარ ჩუგოშვილის ლექცია - კორუფციასთან ბრძოლის დამოუკიდებელი მექანიზმის შექმნა

სიახლეები | ტრენინგები | კორუფციასთან ბრძოლა | სტატია 27 ნოემბერი 2020

26 ნოემბერს, კორუფციასთან ბრძოლის პროგრამის ფარგლებში, სასწავლო კურსის მონაწილეებისათვის, საქართველოს პარლამენტის წევრმა, თამარ ჩუგოშვილმა, ჩაატარა ღია ლექცია. აღსანიშნავია, რომ თამარ ჩუგოშვილს მიღებული აქვს ჰარვარდის უნივერსიტეტის საჯარო მმართველობის მაგისტრის ხარისხი, და 2016-2019 წლებში, იყო საქართველოს პარლამენტის პირველი ვიცე-სპიკერი და გენდერული თანასწორობის საბჭოს თავმჯდომარე.

 

ლექციაზე განხილული იყო კორუფციასთან ბრძოლის დამოუკიდებელი მექანიზმის შექმნის საკითხი და მნიშვნელობა. უკვე მრავალი წელია, რაც სამოქალაქო საზოგადოების ორგანიზაციები აქტიურ ადვოკატირებას ახორციელებენ დამოუკიდებელი ანტიკორუფციული სამსახურის შექმნისა და მისი ინსტიტუციური დამოუკიდებლობის უზრუნველყოფის მიზნით. კორუფციასთან ბრძოლის ამჟამინდელი ფორმა, რომელიც სახელმწიფო უსაფრთხოების სამსახურის (სუს) მეშვეობით ხორციელდება არ გამოირჩევა ეფექტიანობით და შეუძლებელს ხდის საქართველოში კორუფციასთან ბრძოლის ახალი ეტაპის დაწყებას, რომელიც ელიტური კორუფციის დამარცხებას ისახავს მიზნად.

 

თამარ ჩუგოშვილი მსმენელებს ესაუბრა ელიტურ კორუფციასთან ბრძოლის მნიშვნელობაზე, კორუფციასთან ბრძოლის დამოუკიდებელი მექანიზმის შესაძლო სტრუქტურასა და ფუნქციებზე და კორუფციის წინააღმდეგ მისი ეფექტიანი გამოყენების საკითხებზე. კორუფციასთან ბრძოლაში მნიშვნელოვანია საერთაშორისო გამოცდილების გაზიარება, ანტიკორუფციული უწყებების პოლიტიკური გავლენისგან გათავისუფლება, მათი შესაბამისი რესურსებით, მათ შორის შესაბამისი კვალიფიკაციის მქონე პერსონალით უზრუნველყოფა, და მათ საქმიანობაზე არასამთავრობო ორგანიზაციების მხრიდან აქტიური მონიტორინგის განხორციელება. ლექციის დასასრულს გაიმართა დისკუსია და ლექციის განმავლობაში ნახსენები მნიშვნელოვანი საკითხების განხილვა.

 

კორუფციასთან მებრძოლთა საგანმანათლებლო სასერტიფიკატო პროგრამა ხორციელდება ინფორმაციის თავისუფლების განვითარების ინსტიტუტის (IDFI)მიერ ილიას სახელმწიფო უნივერსიტეტთან თანამშრომლობის საფუძველზე. პროგრამის მიმდინარეობის მეორე წელს, კორუფციასთან ბრძოლის ფარგლებში შექმნილი პროფესიული სასერტიფიკატო კურსები, გარდაიქმნენ ილიას უნივერსიტეტის მეცნიერებათა და ხელოვნების ფაკულტეტის საბაკალავრო და სამაგისტრო კურსებად. აღნიშნულ აკადემიურ კურსებში ჩართვის შესაძლებლობა ექნებათ როგორც დასახელებული ფაკულტეტის შესაბამისი მიმართულების სტუდენტებს, ასევე, კონკურსის შედეგად შერჩეულ კანდიდატებს. ილიას უნივერსიტეტის სტუდენტებს, მაღალი აკადემიური მოსწრების შემთხვევაში შესაძლებლობა ექნებათ მიიღონ სასწავლო კრედიტები (ECTS) და სერტიფიკატები, ხოლო კონკურსის შედეგად შერჩეული სხვა უნივერსიტეტების სტუდენტები, სახელმწიფო, არასამთავრობო და კერძო სექტორის წარმომადგენლები, პროგრამის წარმატებით გავლის შედეგად მიიღებენ სერტიფიკატებს.

 

კორუფციასთან ბრძოლის პროგრამის ფინანსური მხარდამჭერია ღია საზოგადოების ინსტიტუტის ბუდაპეშტის ფონდი (OSI) და ხორციელდება ღია საზოგადოების ფონდის (OSGF) თანადაფინანსებით.

 

სხვა ტრენინგები ამ თემაზე
სიახლეები

საქართველოს პარლამენტის მდგრადი განვითარების მიზნებთან დაკავშირებით შეხვედრა გაიმართა

21.01.2022

ჩემი გრაფიკული ისტორია: საბჭოთა რეპრესიები აჭარაში კომიქსების ენაზე

13.01.2022

პროექტის „PAR-ის მხარდაჭერა სამოქალაქო მონიტორინგისა და ჩართულობის გზით“ დასკვნითი ღონისძიება

11.01.2022

კონსტიტუციის ფორმალური მოთხოვნები „ინტერნეტ კონტენტის“ რეგულირებასთან დაკავშირებით

30.12.2021
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022

სასურსათო უსაფრთხოების მდგომარეობა - უახლესი ტენდენციები ციფრებში

17.01.2022

თვითმკვლელობის დინამიკა საქართველოში

17.01.2022

ტრანსპორტის სექტორში სათბურის გაზების ემისიების შემცირების ღონისძიებების გავლენის შეფასება არსებულ სტატისტიკურ მონაცემებზე დაყრდნობით

17.01.2022