ინფორმაციის თავისუფლების საკითხებისადმი მიძღვნილი საერთაშორისო კონფერენცია აღრევანში (სომხეთი)

სიახლეები | პუბლიკაციები | ღია მმართველობა და კორუფციასთან ბრძოლა | სტატია 31 აგვისტო 2010

11-14 ივლისს, აღრევანში (სომხეთი) გაიმართა ინფორმაციის თავისუფლების საკითხებისადმი მიძღვნილი მეორე საერთაშორისო კონფერენცია.პირველი ასეთი საერთაშორისო შეხვედრა გაიმართა 2009 წლის მაისში თელავში (http://www.idfi.ge/?cat=news&topic=50⟨=ka). კონფერენციის ორგანიზატორი იყო “ეროვნული უსაფრთხოების არქივი” (შეერთებული შტატები), ხოლო მასპინძელი ორგანიზაცია – “გამოხატვის თავისუფლების დაცვის კომიტეტი” (სომხეთი).
 
საქართველოდან კონფერენციაზე მიწვეულნი იყვნენ ინფორმაციის თავისუფლების საკითხებზე მომუშავე არასამთავრობო ორგანიზაციები – ინფორმაციის თავისუფლების განვითარების ინსტიტუტი, ახალგაზრდა იურისტთა ასოციაცია, საერთაშორისო გამჭვირვალობა საქართველო, აგრეთვე ივ. ჯავახიშვილის სახელობის თბილისის სახელმწიფო უნივერსიტეტისა და შინაგან საქმეთა სამინისტროს საარქივო სამართველოს წარმომადგენლები. კონფერენციაზე მოხდა აშშ-ის, რუსეთის ფედერაციის, საქართველოს, სომხეთისა და აზერბაიჯანის მედიისა და არასამთავრობო სექტორში დაგროვილი გამოცდილების და პრაქტიკის ურთიერთგაცვლა. მომხსენებლებმა დეტალურად მიმოიხილეს მონაწილე ქვეყნებში ინფორმაციის თავისუფლების თემასთან დაკავშირებულ ვითარება.


ინფორმაციის თავისუფლების განვითარების ინსტიტუტის დირექტორმა, გიორგი კლდიაშვილმა, კოლეგებს გააცნო ინსტიტუტის მიერ ერთი წლის განმავლობაში განხორციელებული საქმიანობა და დაგეგმილი პროექტები. ინსტიტუტის პროექტების ხელმძღვანელმა, ლევან ავალიშვილმა, წარმოადგინა მოხსენება საქართველოში ელექტრონული დემოკრატიის განვითარებისა და პერსპექტივების შესახებ.

კონფერენციის მონაწილეებმა გადაწყვიტეს კიდევ უფრო გაეაქტიურებინათ თანამშრომლობის ის კოალიციური ფორმატი, რომელიც დამკვიდრდა თელავის შეხვედრის შემდგომ. კოალიციური საქმიანობის ერთ-ერთ პრიორიტეტულ მიმართულებად დაიგეგმა ინფორმაციის თავისუფლების საგანმანათლებლო პროგრამების შემუშავება და სპეციალური კურსების მომზადება უმაღლესი სასწავლო დაწესებულებებისთვის (ასეთი პრაქტიკა უკვე რამდენიმე წელი წარმატებით ხორციელდება სომხეთში). მნიშვნელოვანი იყო აგრეთვე ინტერნეტ-მონიტორინგის საერთაშორისო სტანდარტების დამკვიდრების საკითხი. ამერიკელმა პარტნიორებმა გამოთქვეს სურვილი მომხდარიყო რუსეთში, საქართველოში, აზერბაიჯანსა და სომხეთში აპრობირებული, სამთავრობო ოფიციალური ვებ-სივრცის მონიტორინგის პარამეტრების უნიფიცირება. მსოფლიოში ერთ-ერთი ყველაზე განვითარებული ელ-მთავრობის მონიტორინგი საერთაშორისო სტანდარტების დამკვიდრებისათვის მნიშვნელოვანი წინგადადგმული ნაბიჯი იქნება.

კონფერენციის მონაწილეთა გადაწყვეტილებით შეიქმნა კოალიციური საქმიანობის საკოორდინაციო საბჭო,საქართველოდან საბჭოს წევრი "ინფორმაციის თავისუფლების განვითარების ინსტიტუტის" წარმომადგენელი იქნება.

 



 

სხვა მასალები ამ თემაზე
სიახლეები

სამოქალაქო საზოგადოების ორგანიზაციებმა 2024 წლის ნოებრიდან ჩადენილი ადამიანის უფლებების მძიმე და სისტემური დარღვევების შესახებ დოკუმენტირების ანგარიში წარადგინეს

14.05.2025

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025

სამოქალაქო საზოგადოების ორგანიზაციების განცხადება ევროპის დღესთან დაკავშირებით

09.05.2025

გადაცემა "რეალური სივრცის" დახურვა "ქართული ოცნების" რეპრესიული პოლიტიკის ნაწილია

06.05.2025
განცხადებები

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025

სამოქალაქო საზოგადოების ორგანიზაციების განცხადება ევროპის დღესთან დაკავშირებით

09.05.2025

გადაცემა "რეალური სივრცის" დახურვა "ქართული ოცნების" რეპრესიული პოლიტიკის ნაწილია

06.05.2025

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024