დღეს საქართველოს პარლამენტში განიხილება დეპუტატ ზაქარია ქუცნაშვილის მიერ ინიცირებული კანონპროექტი, რომლის მიხედვით, 2016 წლის 1 იანვრამდე პრემიის მიღების უფლება შეეზღუდება 25 მაღალი რანგის დაახლოებით 800-მდე თანამდებობის პირს.
ინსტიტუტი მიიჩნევს, რომ აღნიშნული კანონპროექტი ვერ უზრუნველყოფს პრობლემის სრულად მოგვარებას, ვინაიდან საქართველოს მთავრობის 2014 წლის 15 ივლისის დადგენილების შემდგომ, როდესაც პრემიების გაცემაზე დაწესდა გარკვეული შეზღუდვები, მთელ რიგ საჯარო დაწესებულებებში გამოიკვეთა პრემიების სახელფასო დანამატებით ჩანაცვლების ტენდენცია.
შესაბამისად, ინსტიტუტი მიიჩნევს, რომ საკითხის დარეგულირების თვალსაზრისით მნიშვნელოვანია საკანონმდებლო დონეზე საჯარო მოხელეთა ანაზღაურების ყველა ასპექტის (სარგო, პრემია, დანამატი) დეტალური მოწესრიგება საჯარო სამსახურის რეფორმის კონტექსტში.
კორუფციასთან ბრძოლის სასერტიფიკატო პროგრამა
15.09.2019
სიახლეების გამოწერა
