IDFI-ის განცხადება პირადი ცხოვრების ამსახველი ჩანაწერების თაობაზე

განცხადებები | კანონის უზენაესობა და ადამიანის უფლებები 23 მარტი 2021

ინფორმაციის თავისუფლების განვითარების ინსტიტუტი (IDFI) ეხმიანება საქართველოს სახელმწიფო უსაფრთხოების სამსახურის ყოფილი თანამშრომლის მიერ მთავარი არხისთვის მიცემულ  ინტერვიუში ნახსენებ ფაქტებს პირადი ცხოვრების ამსახველი კადრების უკანონოდ მოპოვების თაობაზე.

 

22 მარტს, გენერალურმა პროკურატურამ  გამოძიება დაიწყო ცალკეულ საჯარო მოხელეთა მიერ, სამსახურებრივი მდგომარეობის გამოყენებით, კერძო კომუნიკაციის საიდუმლოების შესაძლო დარღვევისა და სამსახურებრივი უფლებამოსილების შესაძლო გადამეტების ფაქტებზე.

 

ბოლო წლებში, პირადი ცხოვრების ამსახველი კადრებით შანტაჟის შესახებ საზოგადოებას მრავალჯერ სმენია. საგანგაშოა, რომ ამგვარი ქმედების სამიზნეები, ხშირად, საზოგადოებრივ და პოლიტიკურ ცხოვრებაში აქტიურად ჩართული ქალები არიან.

 

ადამიანის პირადი ცხოვრების ხელშეუხებლობა გარანტირებულია საქართველოს კონსტიტუციით და განმტკიცებულია არაერთი საერთაშორისო სამართლებრივი აქტით.  ფარული მიყურადების და პირადი ცხოვრების ხელშეუხებლობის საკითხზე საზოგადოებაში არსებობს სერიოზული პროტესტი და ხელისუფლების მხრიდან იყო დაპირება, რომ ამ მხრივ მნიშვნელოვანი ღონისძიებები გატარდებოდა. მიუხედავად ამისა, ფარული მიყურადებით მოპოვებული პირადი ცხოვრების ამსახველი ჩანაწერებით ადამიანებზე, განსაკუთრებით ქალებზე ზემოქმედება და მათი შანტაჟი კვლავაც წარმოადგენს ერთ-ერთ სერიოზულ პრობლემას და გამოწვევას ჩვენს ქვეყანაში.

 

ფარული ჩანაწერების მოპოვებისა და გავრცელების ფაქტების სიხშირე და მათზე არაეფექტიანი რეაგირება ცხადყოფს, რომ საქართველოში ფარული მიყურადების მარეგულირებელი საკანონმდებლო და ინსტიტუციური ჩარჩო ვერ უზრუნველყოფს პირადი ცხოვრების ხელშეუხებლობის სათანადო დაცვას. ქვეყანაში არ არსებობს ზედამხედველობისა და კონტროლის ეფექტიანი სისტემა და სათანადო პროცედურული გარანტიები, რაც სახელმწიფოს მხრიდან ძალაუფლების ბოროტად გამოყენების თავიდან აცილებას უზრუნველყოფდა.

 

ამასთან, ამ კონკრეტულ შემთხვევაშიც, სამართალდამცავი ორგანოების მიმართ საზოგადოებრივი ნდობის ნაკლებობის გათვალისწინებით, დაბალია ამ ფაქტის ეფექტიანი და გამჭვირვალე გამოძიების მოლოდინი.

 

IDFI გმობს პირადი ცხოვრების ხელშეუხებლობის უკანონო ხელყოფის ყველანაირ პრაქტიკას და მიიჩნევს, რომ არსებითად მნიშვნელოვანია როგორც კონკრეტულ ფაქტებზე ეფექტიანი რეაგირება, ასევე სახელმწიფო უსაფრთხოების სამსახურისა და ოპერატიულ-ტექნიკური სააგენტოს საქმიანობის მარეგულირებელი სამართლებრივი ჩარჩოს სისტემური რეფორმა. ამასთან, მაღალი საზოგადოებრივი ინტერესის გათვალისწინებით, მნიშვნელოვანია, საგამოძიებო ორგანომ უზრუნველყოს საზოგადოების ინფორმირება გამოძიების მიმდინარეობასთან დაკავშირებით.

სხვა მასალები ამ თემაზე
სიახლეები

საქართველო აშშ-ს სახელმწიფო დეპარტამენტის 2020 წლის ანგარიშში

12.04.2021

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021

გამოფენა - ხმა ქართველი ქალისა

07.04.2021

პანდემიის გავლენა დანაშაულის სტატისტიკაზე

07.04.2021
განცხადებები

IDFI ნამახვანი ჰესის პროექტთან დაკავშირებით განვითარებულ მოვლენებს ეხმიანება

12.04.2021

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021

კოალიცია უზენაესი სასამართლოს დაკომპლექტების წესში დაანონსებულ ცვლილებებს ეხმიანება

29.03.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021