“ღირსების მარშის“ საწინააღმდეგო აქციის მონაწილეებმა საქართველოს პარლამენტთან გაშლილი კარვები დაარბიეს და ამავე ტერიტორიაზე განთავსდნენ. ვრცელდება კადრები და ინფორმაცია საიდანაც ცხადად ჟურნალისტებზე ფიზიკური და სიტყვიერი შეურაცხყოფის მიყენებისა და ძალადობის აგრეთვე ქონების ჯგუფურად დაზიანების ფაქტები.

გავრცელებული ქმედებები როგორც ადმინისტრაციულ სამართალდარღვევათა ისე სისხლის სამართლის კოდექსით გათვალისწინებული ქმედებების ნიშნებს შეიცავს. გავრცელებული ვიდეო მასალიდან ცხადად ჩანს, სამართალდამცავი ორგანოები ვერ ახერხებენ ძალადობრივი ქმედებების ეფექტურად აღკვეთას და სახელმწიფოს არასაკმარისი საპოლიციო ძალა ჰყავს მობილიზებული.

სახელმწიფოს უუნარობა თუ მოუმზადებლობა შეასრულოს საკუთარი პოზიტიური ვალდებულებები ახალისებს არამარტო გამოხატვის თავისუფლების წინააღმდეგ მიმართული ძალადობას არამედ სიძულვილსა და შეუწყნარებლობას. შემაშფოთებელი და სახელმწიფოსთვის ზიანის მომტანია პრემიერ-მინისტრის განცხადება, რომელიც კიდევ უფრო ახალისებს ძალადობს.

IDFI მოუწოდებს აღმასრულებელ ხელისუფლება მიიღოს ყველა ზომა ღირსების მარშში მონაწილეთა უსაფრთხოების, ისევე ჟურნალისტების გამოხატვის თავისუფლებისა და მოქალაქეთა უსაფრთხოების დასაცავად.