IDFI-მ და GYLA-მ საჯარო მმართველობის რეფორმის საკითხებზე რეგიონული არასამთავრობო ორგანიზაციებისთვის ტრენინგები გამართეს

სიახლეები | კორუფციასთან ბრძოლა | სტატია 30 სექტემბერი 2020

IDFI-მ და GYLA-მ, საქართველოს მთავრობის ადმინისტრაციასთან თანამშრომლობით, ევროკავშირის მიერ დაფინანსებული პროექტის „PAR-ის მხარდაჭერა სამოქალაქო მონიტორინგისა და ჩართულობის გზით“ ფარგლებში საჯარო მმართველობის რეფორმის (PAR) საკითხებზე ონლაინ ტრენინგები გამართეს რეგიონული არასამთავრობო ორგანიზაციებისთვის.

 

ტრენინგების მონაწილეები გაეცნენ ინფორმაციას საჯარო მმართველობის რეფორმის, PAR-ის სამოქმედო გეგმისა და მისი ალტერნატიული მონიტორინგის მეთოდოლოგიის, ისევე, როგორც საჯარო მმართველობის რეფორმის განხორციელებისა და მონიტორინგის პროცესში ჩართულობის შესაძლებლობების შესახებ. ამ მიზნით, ტრენინგებზე განიხილეს საჯარო მმართველობის რეფორმის მონიტორინგის ელექტრონული პლატფორმა (PAR Tracker), რომელიც აერთიანებს პრაქტიკულ ინფორმაციას საჯარო მმართველობის რეფორმის შესახებ და უზრუნველყოფს მონიტორინგის პროცესში გარე მომხმარებლის ჩართულობას როგორც საჯარო მმართველობის რეფორმის სამოქმედო გეგმით გათვალისწინებული თემატური მიმართულების/ამოცანის/აქტივობის/ინდიკატორის შეფასების, ისე გამოქვეყნებულ ინფორმაციაზე კომენტარების/უკუკავშირის გაზიარების გზით.

 

ტრენინგების განხორციელების შემდგომ ეტაპზე IDFI და GYLA ტრენინგების მონაწილეებიდან კონკურსის წესით შეარჩევენ ორგანიზაციებს და მათთვის გამოყოფენ მცირე გრანტებს. მცირე გრანტების მისაღებად განაცხადების წარდგენის შესახებ მონაწილეებს ინფორმაცია მიეწოდათ განხორციელებული ტრენინგების ფარგლებში. რეგიონული ორგანიზაციებისთვის მცირე გრანტების გაცემა მიზნად ისახავს რეგიონულ დონეზე PAR-ის გზამკვლევისა და სამოქმედო გეგმის იმპლემენტაციის ხელშეწყობას. შერჩეული ორგანიზაციები შეაფასებენ ადგილობრივ დონეზე საჯარო მმართველობის რეფორმის განხორციელებას; ყველა ადგილობრივი დაინტერესებული მხარის ჩართულობით გამართული საჯარო განხილვებისა და სამუშაო შეხვედრების საშუალებით, გამოკვეთენ გამოწვევებს და შესაძლებლობებს. ასევე ჩაერთვებიან მონიტორინგის პროცესში ონლაინ პლატფორმის (PAR tracker) გამოყენების გზით.

 

 

სხვა მასალები ამ თემაზე
სიახლეები

უზენაესმა სასამართლომ IDFI-ს სასარგებლო გადაწყვეტილება მიიღო და „საქართველოს ეროვნულ არქივს“ საჯარო ინფორმაციის გაცემა დაავალა

20.05.2022

თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრების ციკლი დაასრულა

19.05.2022

IDFI-მ შეიმუშავა რეკომენდაციები აჭარის უმაღლესი საბჭოსთვის საჯარო ინფორმაციის პროაქტიულად გამოქვეყნებასთან დაკავშირებით

17.05.2022

Შეხვედრა გორის ახალგაზრდობასთან - ​​გაყალბებული ისტორია და ტრიუმფალური 9 მაისი: ისტორია და თანამედროვეობა

17.05.2022
განცხადებები

კოალიცია ნიკა გვარამიას საქმეზე გამოტანილ გადაწყვეტილებას ეხმაურება

20.05.2022

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022