IDFI-ის ტრენინგები ელექტრონული ჩართულობის შესახებ

სიახლეები | ტრენინგები | მედია, ინტერნეტი და ინოვაციები 26 სექტემბერი 2014

15-24 სექტემბრის განმავლობაში IDFI-მ ჩაატარა 6 ტრენინგი ელექტრონული ჩართულობის შესახებ. საერთო ჯამში, სემინარებს ესწრებოდა სხვადასხვა სპეციალობის (იურიდული, სოციალურ და პოლიტიკურ მეცნიერებათა, ჰუმანიტარულ მეცნიერებათა, ბიზნესის და ეკონომიკის ფაკულტეტის, საჯარო მმართველობისა და მასობრივი კომუნიკაციების მიმართულების) სხვადასხვა უნივერსიტეტის სამოცამდე სტუდენტი. 

 

ტრენინგის მონაწილეებმა მიიღეს ინფორმაცია საჯარო ინფორმაციის, მისი ელექტრონულად გამოთხოვნის ხერხების, ინფორმაციის პროაქტიულად გამოქვეყნების, საჯარო უწყებების Facebook და ვებ-გვერდების მონიტორინგის ძირითადი მეთოდებისა და ღია რესურსების პრაქტიკაში გამოყენების შესახებ. დღის განმავლობაში მათ საშუალება ჰქონდათ მიეღოთ როგორც თეორიული, ასევე პრაქტიკული ცოდნა თითოეული საკითხის შესახებ.


ჯგუფური მუშაობის დროს მონაწილეებს შესაძლებლობა მიეცათ დაეწერათ საჯარო ინფორმაციის მოთხოვნის ტექსტი, დაეჯგუფებინათ საჯარო დაწესებულებების ოფიციალური ვებგვერდების ელექტრონული ჩართულობის ინდექსის შესაფასებლად საჭირო კომპონენტები სხვადასხვა პარამეტრების მიხედვით (ელ-კომუნიკაცია, ელ-კონსულტაცია და ელ-გადაწყვეტილება), ინდივიდუალურად ეფიქრათ სამომავლო გეგმებსა და ესსეს საკითხებზე. აღსანიშნავია, რომ მათი ჩართულობა პროექტში ტრენინგით არ შემოიფარგლება და შესაძლებლობა ექნებათ პრაქტიკაში განახორციელონ მიღებული უნარები და ინფორმაცია. კერძოდ, ტრენინგების შემდეგ თავად დააკვირდებიან Facebook-ზე საჯარო დაწესებულებების გვერდებს და მათ ოფიციალურ ვებ-გვერდებს, გამოითხოვენ საჯარო ინფორმაციას, დააკვირდებიან ხელისუფლების საქმიანობას და მოამზადებენ ბლოგ-პოსტებს საკუთარი მონიტორინგის შედეგების საფუძველზე. 


ტრენინგის ბოლოს ტრენერებმა მონაწილეებს გააცნეს პროექტის შემდგომი აქტივობების კალენდარი, რომელშიც დეტალურად იყო მოცემული მათთან კომუნიკაციის ფორმები მომდევნო სამი თვის მანძილზე. მონაწილეთა პრაქტიკული უნარების შემდგომი გაუმჯობესებისა და დამატებითი ინფორმაციის უზრუნველყოფის მიზნით, IDFI-ს წარმომადგენლები მათ მუდმივად გაუწევენ პირად თუ ჯგუფურ კონსულტაციას ესსეებზე მუშაობისას. მონაწილეებს გადაეცათ ელექტრონული ჩართულობის სახელმძღვანელო, სადაც აღნიშნული საკითხებია განხილული და ნებისმიერ ადამიანს მისცემს ძირითად მიმართულებებს ხელისუფლების ონლაინ რესურსებისა და საქართველოში ელექტრონული მმართველობის დონის შეფასებისთვის. 

 

ტრენინგები ელ-ჩართულობის შესახებ მიზნად ისახავდა ახალგაზრდებში კრიტიკული აზროვნების განვითარებას, მათი ცნობიერების ამაღლებას იმ თანამედროვე მექანიზმების შესახებ, რომლებიც საჭიროა მთავრობის ანგარიშვალდებულების მისაღწევად. ტრენინგის შემდეგ, ისინი მონაწილეობას მიიღებენ ესეების კონკურსში, რომლის საუკეთესო 10 მონაწილის ბლოგი გამოქვეყნდება IDFI-ის გვერდზე და სამ გამარჯვებულს გადაეცემა Kindle.


ტრენინგები გაიმართა პროექტის „ახალგაზრდებში მთავრობის გასაკონტროლებლად საჭირო ელ-უნარების განვითარება“ ფარგლებში და ხორციელდება საქართველოში აშშ-ის საელჩოს ფინანსური მხარდაჭერით.

 

 

 ფოტო გალერეა

სხვა ტრენინგები ამ თემაზე
სიახლეები

ღია მონაცემების სახელმძღვანელოს პრეზენტაცია და ანალიტიკური სტატიების კონკურსის გამარჯვებულთა დაჯილდოება

26.02.2020

კორუფციასთან ბრძოლის სასერტიფიკატო პროგრამის ანტიკორუფციული პოლიტიკის მოდული დასრულდა

21.02.2020

ცვლილებები მდგრადი განვითარების მიზნების უწყებათაშორისი საბჭოს საქმიანობის რეგულირებაში

21.02.2020

არქივების შეფასება პოსტ საბჭოთა სივრცეში: საქართველოს გამოცდილება

19.02.2020
განცხადებები

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020

კანონპროექტი „ინფორმაციის უსაფრთხოების შესახებ“ და მასთან დაკავშირებული საფრთხეები

12.02.2020

კოალიცია მედია ადოკატირებისათვის „TV პირველის“ გარშემო განვითარებულ პროცესებს საგანგაშოდ მიიჩნევს

10.02.2020

კოალიცია მედიის ადვოკატირებისთვის ნიკა გვარამიას საქმესთან დაკავშირებით დროულ რეაგირებას ითხოვს

30.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019