ინფორმაციის თავისუფლების განვითარების ინსტიტუტი უერთდება სამოქალაქო საზოგადოების მიერ ინიცირებულ პეტიციას კულტურული მემკვიდრეობის შესახებ კანონში დაგეგმილი ცვლილებების წინააღმდეგ.
პეტიციის ინიციატორები უარყოფითად აფასებენ საკანონმდებლო ორგანოში საქართველოს მთავრობის მიერ წარდგენილ კანონპროექტს და მოუწოდებენ საქართველოს პარლამენტს მხარი არ დაუჭიროს ინიცირებულ საკანონმდებლო ცვლილებას, რომლის თანახმადაც ცვლილება შედის „კულტურული მემკვიდრეობის შესახებ“ საქართველოს კანონში და შესაძლებელი ხდება, კულტურული მემკვიდრეობის ძეგლისთვის ძეგლის სტატუსის მოხსნა ისეთი ბუნდოვან და გაურკვეველ პირობებში, როგორიცაა: "განსაკუთრებულ შემთხვევებში, სახელმწიფოებრივი მნიშვნელობის აუცილებლობის არსებობა".
პეტიციაზე ხელმოწერით, IDFI ხაზს უსვამს საჯაროობისა და საზოგადოების ჩართულობის მნიშვნელობას ისეთ საკითხებზე, როგორიცაა კულტურული მემკვიდრეობა.
პეტიციისადმი მხარდაჭერა შეუძლია საქართველოს ნებისმიერ მოქალაქეს ან საზოგადოებრივ ორგანიზაციას შემდეგ მისამართზე ხელის მოწერით.
სიახლეების გამოწერა
