8 მაისს, პარასკევს ინფორმაციის თავისუფლების განვითარების ინსტიტუტმა ყირგიზეთის მთავრობის პიარ გუნდს უმასპინძლა.
სასწავლო ტური რომლითაც ყირგიზეთის დელეგაცია საქართველოს ეწვია, პროექტ „მთავრობის პრეს სამსახურის რეფორმის“ ფარგლებში მიმდინარეობს, რომელიც ბიშკეკში ეუთოს ცენტრის მხარდაჭერით ხორციელდება. პროექტის მიზანია მთავრობის პრეს სამსახურმა უფრო ნაყოფიერად იმუშავოს პუბლიკის ინფორმირებაზე და გააუმჯობესოს კომუნიკაციის დროული, სანდო და გამჭვირვალე პოლიტიკა.
საქართველოს მთავრობისა და პრეს სამსახურების წარმომადგენლებთან შეხვედრის გარდა, დელეგაცია სამოქალაქო სექტორთან შეხვედრითაც დაინტერესდა.
10 კაციანი დელეგაცია, რომელსაც ყირგიზეთის პრემიერ მინისტრის პრეს-მდივანი გულნურა ტორალიევა ხელმძღვანელობდა, IDFI-ს 8 მაისს ეწვია. მათ პირადად შეხვდნენ ორგანიზაციის გამგეობის თავმჯდომარე, ლევან ავალიშვილი და ანალიტიკოსი ნატა ძველიშვილი.
სტუმრებმა ამომწურავი ინფორმაცია მიიღეს IDFI-ს ძირითადი მიზნების, საქმიანობების, პროექტებისა და აქტივობების შესახებ. შეხვედრაზე განიხილეს სხვადასხვა თემები და საკითხები, რაზეც ორგანიზაცია აქტიურად მუშაობს და ნათლად ჩამოყალიბებული მოსაზრებები და რეკომენდაციები აქვს.
ორი დღით ადრე, 6 მაისს კი IDFI-ს ყირგიზი პროფესორების გუნდი სტუმრობდა
სიახლეების გამოწერა
