13 იანვარს ინფორმაციის თავისუფლების განვითარების ინტიტუტსა (IDFI) და საქართველოს ეროვნულ უნივერსიტეტს შორის (SEU) მემორანდუმი გაფორმდა.

აღნიშნული მემორანდუმის მიხედვით, რომელსაც ხელი მოაწერა ინფორმაციის თავისუფლების განვითარების ინსტიტუტის დირექტორმა, გიორგი კლდიაშვილმა და საქართველოს ეროვნული უნივერსიტეტის რექტორმა, გია კავთელაშვილმა, მხარეები შეთანხმდნენ, რომ IDFI და უნივერსიტეტის საერთაშორისო ურთიერთობების ფაკულტეტი ითანამშრომლებენ აკადემიური უმაღლესი განათლების ფარგლებში სტუდენტების პროფესიული მომზადებისთვის ხელის შეწყობის, კვალიფიციური კადრების მომზადებისა და საგანმანათლებლო პროგრამების განვითარების მიზნით.

მემორანდუმის ფარგლებში, რომელიც ძალაში შევიდა ხელმოწერისთანავე, უნივერსიტეტი იღებს ვალდებულებას, ხელი შეუწყოს სტუდენტებს სამეცნიერო კვლევების წარმოებასა და განხორციელებაში, პროექტებისა და კონფერენციების ორგანიზებაში. ასევე, მის მიერ აღებულ ვალდებულებათაგანია, მოიწვიოს ინფორმაციის თავისუფლების განვითარების ინსტიტუტის ექსპერტები სალექციო კურსების წასაკითხად. თავის მხრივ, IDFI უზრუნველყოფს უნივერსიტეტის გამორჩეული სტუდენტების ჩართვას ორგანიზაციის სტაჟირების პროგრამებში და სასწავლო პრაქტიკის წარმატებით დასრულების შემთხვევაში, უზრუნველყოფს მათ დასაქმებას.

/public/upload/pdf/memo.pdf