დღეს, 1 ივლისს, საქართველოს კომუნიკაციების ეროვნულ კომისიაში ციფრული მაუწყებლობის უზრუნველსაყოფად გამოცხადებული კონკურსი დასრულდა. კონკურსის შედეგად, რადიოსიხშირული სპექტრით სარგებლობის სამი ლიცენზია N B+2 ლოტზე გამარჯვებულმა კომპანიამ, შპს „სტერეო +“-მა მოიპოვა.
როგორც ცნობილია, კომისიამ ციფრული მაუწყებლობის განსახორციელებლად რადიოსიხშირული სპექტრით სარგებლობის ლიცენზიების კონკურსი 2014 წლის 31 მარტს გამოაცხადა.
საკონკურსო განაცხადი სულ ორ კომპანიას, „რუსთავი 2“-ის მიერ დაფუძნებულ შპს „მუქს“-სა (A+0 ლოტი) და შპს „სტერეო +“-ს (□A+B+2 და □ B+2 ლოტებზე) ჰქონდა წარდგენილი. ამას გარდა, კონკურსის ზეპირი მოსმენის სხდომაზე განაცხადი უკან გაითხოვა შპს „მუქს“-მა და აღნიშნული ფინანსური პრობლემებით ახსნა. ასევე გაითხოვა განაცხადი კომპანია „სტერეო+“-მა A+B+2 ლოტზე და კონკურსში მონაწილეობა მხოლოდ ერთი ლოტის ფარგლებში განაგრძო. განაცხადის არარსებობის გამო კონკურსი არ შედგა MUX – A ლიცენზიაზე, შესაბამისად კითხვის ნიშნის ქვეშ დგას რეგიონების ციფრული მაუწყებლობით უზრუნველყოფის საკითხი.
მიღებული სამი ლიცენზიის ფარგლებში შპს „სტერეო +“ შეძლებს ეროვნული დაფარვის უზრუნველყოფასა და სამაუწყებლო სიგნალის გავრცელებას როგორც ღია ეთერით, ასევე დახურული ე.წ კოდირებული ფორმატით კომერციული მიზნებისთვის (Pay TV).
სიახლეების გამოწერა
