გლობალური საკანონმდებლო ღიაობის კვირეული თბილისში

სიახლეები | პუბლიკაციები | ღია მმართველობა | სტატია 11 სექტემბერი 2015

14-15 სექტემბერს, საქართველოს პარლამენტი ღია მმართველობის პარტნიორობის (OGP) გლობალური საკანონმდებლო ღიაობის კვირეულის (GLOW) ფარგლებში მასპინძლობს საკანონმდებლო ღიაობის სამუშაო ჯგუფის კონფერენციას თემაზე: ,,ღიაობის ვალდებულება: პარლამენტის სამოქმედო გეგმები, სტანდარტები და მეთოდები."

 

აღნიშნული კონფერენციის ორგანიზებაში საქართველოს პარლამენტთან ერთად აქტიური წვლილი შეიტანეს OGP-ის საკანონმდებლო ღიაობის სამუშაო ჯგუფმა (ეროვნულ-დემოკრატიული ინსტიტუტი და ჩილეს კონგრესი), გაეროს განვითარების პროგრამამ (UNDP), ინფორმაციის თავისუფლების განვითარების ინსტიტუტმა (IDFI), აშშ-ს საერთაშორისო დახმარების სააგენტომ (USAID), ევროკავშირის წარმომადგენლობამ საქართველოში (EU), გერმანიის საერთაშორისო თანამშრომლობის საზოგადოებამ და საერთაშორისო გამჭვირვალობა საქართველომ.

 

 

14-15 სექტემბერს თბილისში GLOW-ს ფარგლებში გამართულ კონფერენციას ჩილეს კონგრესი და ეროვნულ-დემოკრატიული ინსტიტუტი გაუწევენ თანა-თავმჯდომარეობას. კონფერენციაში ქართველი დელეგატების გარდა, მონაწილეობას იღებს ღია მმართველობის პარტნიორობის (OGP) წევრი ქვეყნების 70-ზე მეტი დელეგატი, მათ შორის OGP-ის მმართველი კომიტეტის წარმომადგენლები და OGP-ის ქვეყნების სახელმწიფო და არასამთავრობო ორგანიზაციების წარმომადგენლები.

 

მონაწილეები ერთმანეთს გაუზიარებენ გამოცდილებას საკანონმდებლო ღიაობის დახვეწაზე, არასამთავრობო სექტორთან თანამშრომლობაზე, საპარლამენტო ეთიკის საერთაშორისო სტანდარტების შემუშავებაზე და ,,ღია მმართველობის პარტნიორობის" (OGP) ფარგლებში მოქალაქეთათვის საკანონმდებლო პროცესებში ჩართულობის ხელშეწყობაზე.

 

თბილისში გამართულ გლობალურ საკანონმდებლო ღიაობის კვირეულს, საქართველოს პარლამენტის თავმჯდომარე დავით უსუფაშვილი გახსნის. აღსანიშნავია, რომ კონფერენციაზე, საქართველო წარადგენს საქართველოს ღია პარლამენტის 2015-2016 წლის სამოქმედო გეგმას, რომელიც შემუშავდა „ინფორმაციის თავისუფლების განვითარების ინსტიტუტის“ (IDFI) პროექტის „ღია მმართველობის პარტნიორობის ინიციატივაში საქართველოს პარლამენტის ჩართულობის მხარდაჭერა“ შედეგად, რომელიც ხორციელდება საქართველოს პარლამენტთან პარტნიორობით. აღნიშნული პროექტის არის ევროკავშირის და გაეროს განვითარების პროგრამის (UNDP) ერთობლივი პროგრამის „საქართველოში საპარლამენტო დემოკრატიის სისტემის გაძლიერება“ ნაწილი. საქართველოს ღია პარლამენტის 2015-2016 წლების სამოქმედო გეგმა პარლამენტის ბიურომ 17 ივლისს დაამტკიცა

 

იხილეთ მონაწილეთა სია და დღის წესრიგი.


       

 

სხვა მასალები ამ თემაზე
სიახლეები

სამუშაო შეხვედრა სახელმწიფო ბიუჯეტის გენდერული ინდექსის შესამუშავებლად

06.02.2023

საქართველოს პირველი რესპუბლიკის დღეები საფრანგეთში

30.01.2023

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023
განცხადებები

განცხადება მიხეილ სააკაშვილის სასამართლო პროცესთან დაკავშირებით

06.02.2023

მედიის ადვოკატირების კოალიცია სამართალდამცავ ორგანოებს მოუწოდებს, დროულად გამოიძიონ “ტელეკომპანია პირველის” ჟურნალისტის სახლში უკანონო შეღწევის ფაქტები

03.02.2023

მედიის ადვოკატირების კოალიცია მედიის წინააღმდეგ წარმოებულ დისკრედიტაციის კამპანიას ეხმიანება

31.01.2023

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022