IDFI-ის დირექტორმა გიორგი კლდიაშვილმა მონაწილეობა მიიღო მოლდოვაში მიმდინარე ადამიანის უფლებათა კონფერენციაში სახელწოდებით „ფრონტის ხაზზე: ადამიანის უფლებათა მდგომარეობა აღმოსავლეთ პარტნიორობის ქვეყნებში.“
ღონისძიებას გამართა „აღმოსავლეთ პარტნიორობის სამოქალაქო საზოგადოების ფორუმმა“ და მის მოლდოვის ეროვნულმა პლატფორმამ. ორდღიანი ღონისძიება (19-20 სექტემბერი) აერთიანებდა 50-მდე ადამიანის უფლებათა ექსპერტს ევროკავშირიდან, აღმოსავლეთ პარტნიორობის სამოქალაქო საზოგადოებიდან, საერთაშორისო არასამთავრობო ორგანიზაციებიდან, ევროკავშირის ინსტიტუტებიდან და ევროპის საბჭოდან.
კონფერენცია გახსნეს მოლდოვის ეროვნული პლატფორმის კოორდინატორმა იონ მანოლმა, მოლდოვის სახალხო დამცველმა მიჰაილ კოტორობაიმ და ევროკავშირის დელეგაციის ხელმძღვანელმა მოლდოვაში პირკა ტაპიოლამ.
განსახილველ საკითხებს შორის იყო: ადამიანის უფლებების გამოწვევები აღმოსავლეთ პარტნიორობის ქვეყნებში და საერთაშორისო მექანიზმები; ადამიანი უფლებების დამცველები; კამპანიის წარმოების, კავშირების დამყარებისა და დაფინანსების მოძიების საუკეთესო პრაქტიკა; და ადამიანის უფლებების დაცვა და მონიტორინგი კონფლიქტის ზონებში.
გიორგი კლდიაშვილი ასრულებდა მოდერატორის როლს სამუშაო შეხვედრაში სახელწოდებით „ევროპის ადამიანის უფლებათა სასამართლოს პრაქტიკა აღმოსავლეთ პარტნიორობის ქვეყნებში."
სიახლეების გამოწერა
