დისკუსია მასმედიის წარმომადგენლებთან

სიახლეები | კორუფციასთან ბრძოლა | პუბლიკაციები | სტატია 1 მაისი 2013

„ინფორმაციის თავისუფლების განვითარების ინსტიტუტმა“ პროექტის - „ელექტრონული ჩართულობის განვითარება საქართველოში“ ფარგლებში  დისკუსია გამართა მასმედიის წარმომადგენლებთან. შეხვედრის მთავარი თემა საჯარო დაწესებულებების საზოგადოებასთან ურთიერთობის სტრატეგიისა  და თანამედროვე საკომუნიკაციო საშუალებების გამოყენების დონის შეფასება იყო.


IDFI - მ მედიის წარმომადგენლებს საჯარო დაწესებულებების ვებ-გვერდებისა და სოციალური ქსელების მონიტორინგის შედეგად გამოვლენილი ტენდენციები გააცნო. დისკუსიის მონაწილეებმა დასვეს კითხვები IDFI - ს მიერ განხორციელებული კვლევის ირგვლივ და ისაუბრეს საკუთარ გამოცდილებაზე.

შეხვდრის მონაწილე ჟურნალისტებმა აღნიშნეს, რომ ოფიციალური საჯარო  ვებ-გვერდებისა  და Facebook გვერდების  არსებობის მიუხედავად, არ ხდება ამ რესურსების  გამოყენება მედიასთან და მოქალაქეებთან კომუნიკაციის გასამარტივებლად.  საჯარო დაწესებულებების დიდი ნაწილი ელექრონულ რესურსებს საკომუნიკაციო საშუალებად არ განიხილავს.  ვებ - გვერდებზე ხშირად მოძველებული ინფორმაციაა განთავსებული, რასაც საქმიანობის სპეციფიკიდან გამომდინარე  ჟურნალისტი ვერ დაეყრდნობა. ვებ-გვერდებზე არ არის მითითებული ინფორმაციის განთავსების თარიღი და დრო.


ჟურნალისტების განცხადებით პრობლემას წარმოადგენს საჯარო დაწესებულებებიდან ელ - ფოსტის მეშვეობით პასუხების მიღება. სამთავრობო უწყებების წარმომადგენლები ხშირად კითხვების გაგზავნას ფოსტის მეშვეობით ითხოვენ, ბიუროკრატიული პროცედურების გამო კი საჭირო ინფორმაციის მიღება ჭიანურდება და საკითხი აქტუალობას კარგავს, შესაბამისად მიღებული მონაცემები  უსარგებლო ხდება. რაც შეეხება  სოციალურ ქსელებს Facebook გვერდებზე  ბევრ უწყებას არ აქვს გააქტიურებული შეტყობინების მიწერის ფუნქცია, კომუნიკაციას  განსაკუთრებით ართულებს  ის ფაქტი, რომ სოციალური ქსელების მართვაზე პაუხისმგებელი პირის შესახებ ინფორმაცია არცერთ ოფიციალურ Facebook გვერდზე მითითებული არ არის.

მედიის წარმომადგენლები მიიჩნევენ, რომ  2013 წელს საჯარო დაწესებულებებთან კომუნიკაცია შედარებით გაადვილდა, ჟურნალისტები დადებით ტენდენციად აფასებენ საქართველოს მთავრობის ვებ-გვერდზე  მთავრობის განკარგულებების  ხელმისაწვდომობას. თუმცა მათი აზრით ქართულ საჯარო სივრცეში საზოგადოებასთან ურთიერთობის  დამკვიდრებული სტანდარტი  შეცვლას და დახვეწას საჭიროებს;


შეგახსენებთ, რომ IDFI  საჯარო დაწესებულებების  საზოგადოებასთან ურთიერთობის სტრატეგიის, ელექტრონული რესურსების გამოყენების ხარისხისა და კომუნიკაციის დონის შეფასების მიზნით, 2012 წლის ნოემბრიდან აკვირდება 24 საჯარო დაწესებულების ელექტრონულ რესურსებს, მათზე განთავსებულ აპლიკაციებსა და ამოწმებს მოქალაქეებთან კომუნიკაციის სამოქმედო გეგმის არსებობას. ინსტიტუტმა  ამ საკითხებთან დაკავშირებით კვლევა მოამზადა სამთავრობო უწყებებიდან მოთხოვნილი  საჯარო ინფორმაციის ანალიზის საფუძველზეც.
პროექტი ხორციელდება აღმოსავლეთ-დასავლეთის მართვის ინსტიტუტის (EWMI) პროგრამის – „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების“ (G-PAC) – ფარგლებში.

სხვა მასალები ამ თემაზე
სიახლეები

ბათუმის გიმნაზია-პანსიონში საგანმანათლებლო კვირეული ჩატარდა

19.10.2021

კორუფციასთან ბრძოლის სასერტიფიკატო პროგრამა დაიწყო

19.10.2021

IDFI-ის ტრენინგი მონაცემთა ჟურნალისტებისთვის

15.10.2021

ტრენინგი სახელმწიფო ინსპექტორის სამსახურის თანამშრომლებისთვის

13.10.2021
განცხადებები

IDFI საარჩევნო კოდექსსა და „მაუწყებლობის შესახებ“ საქართველოს კანონში შესატან ცვლილებებს ეხმიანება

18.10.2021

კოალიცია მედიის ადვოკატირებისთვის სახელმწიფო ინსპექტორს მოსმენების ტექნიკური ინფრასტრუქტურის შემოწმებისკენ მოუწოდებს

27.09.2021

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021
ბლოგპოსტები

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021

სახელფასო პოლიტიკა თვითმმართველობებში და პრემიერის დაპირება

12.08.2021