ღია და გამჭვირვალე მმართველობის მუდმივმოქმედი საპარლამენტო საბჭოს და საკონსულტაციო ჯგუფის შეხვედრა

სიახლეები | პუბლიკაციები | ღია მმართველობის პარტნიორობა | სტატია 15 მარტი 2017

ავტორი: ნატალია ვარაზი 

 

2017 წლის 14 მარტს, სასტუმრო „თბილისი მერიოტში“, IDFI-ის ორგანიზებით გაიმართა ღია და გამჭვირვალე მმართველობის მუდმივმოქმედი საპარლამენტო საბჭოს და საბჭოსთან არსებული საკონსულტაციო ჯგუფის შეხვედრა, რომლის მიზანიც იყო საქართველოს საპარლამენტო ღიაობის 2017-2018 წლების სამოქმედო გეგმის ვალდებულებებთან დაკავშირებით წარმოდგენილი რეკომენდაციების განხილვა.

 

შეხვედრას ესწრებოდნენ საპარლამენტო საბჭოს წევრი პარლამენტის წევრები, პარლმენტის აპარატის, სამოქალაქო საზოგადოებისა და საერთაშორისო ორგანიზაციების წარმომადგენლები. 

 

შეხვედრა გაიმართა პროექტის „საპარლამენტო დემოკრატიის სისტემის გაძლიერება საქართველოში“ ფარგლებში. IDFI პროექტს ახორციელებს გაეროს განვითარების პროგრამის (UDNP) ფინანსური (ევროკავშირის მიერ დაფინანსებული პროგრამის „საპარლამენტო დემოკრატიის სისტემის გაძლიერება საქართველოში“ ფარგლებში) მხარდაჭერით.

 

შეხვედრა გახსნეს საპარლამენტო საბჭოს თავმჯდომარემ ირინა ფრუიძემ, საქართველოში ევროკავშირის დელეგაციის წარმომადგენელმა სოფი ჰუე-გერიშმა და ინფორმაციის თავისუფლების განვითარების ინსტიტუტის (IDFI) დირექტორმა გიორგი კლდიაშვილმა.

 

სიტყვით გამოსვლისას სოფი ჰუე-გერიშმა აღნიშნა, რომ ევროკავშირი მიესალმება ღია მმართველობის პარტნიორობის ინიციატივის ფარგლებში საქართველოში მიერ საპარლამენტო ღიაობის დამკვიდრებას. მან ხაზი გაუსვა, რომ საქართველოს ღია მმართველობის პარტნიორობის თავმჯდომარედ არჩევა ჩვენი ქვეყნისთვის დიდ გამოწვევას წარმოადგენს. ქალბატონმა გერიშმა დაადასტურა, რომ ევროკავშირი მხარს უჭერს საქართველოს პარლამენტს და ღია და გამჭვირვალე მმართველობის მუდმივმოქმედ საპარლამენტო საბჭოს საქართველოში საპარლამენტო ღიაობის განვითარებაში.

 

14 მარტს ჩატარებულ შეხვედრაზე, საკონსულტაციო ჯგუფში შემავალმა ორგანიზაციებმა წარმოადგინეს საპარლამენტო ღიაობის სამოქმედო გეგმასთან დაკავშირებით მათ მიერ შემუშავებული რეკომენდაციები. საერთაშორისო გამჭვირვალობა  - საქართველომ წარმოადგინა შემდეგი რეკომენდაციები: პარლამენტის ვებგვერდზე პარლამენტის წევრების მიერ პლენარული და კომიტეტის სხდომების საპატიო მიზეზით გაცდენების შესახებ შესაბამისი მიზეზის მითითების ვალდებულების განსაზღვრა, სხდომების დასრულებიდან 1 სამუშაო დღეში საკომიტეტო განხილვების სტენოგრაფიული ჩანაწერების განთავსების ვალდებულება და სხვა. 

 

საქართველოს ახალგაზრდა იურისტთა ასოციაციამ წარმოადგინა პრეზენტაცია, რომელშიც 7 ვალდებულება იყო გაწერილი. ამ ვალდებულებების მიზანია პარლამენტის გამჭვირვალობის გაზრდა, მოქალაქეებისთვის მეტი ინფორმაციის მიწოდება და საზოგადოების ინფორმირებულობის გაზრდა.

 

ინფორმაციის თავისუფლების განვითარების ინსტიტუტმა (IDFI) წარმოადგინა შემდეგი რეკომენდაციები: კანონპროექტების კომენტარებზე უკუკავშირის მექანიზმის შემუშავება, საჯარო ინფორმაციის (ე.წ. „10 დეკემბრის ანგარიშების“) მონიტორინგის სისტემის შემუშავება, პეტიციის ელექტრონული სისტემის დანერგვა და სხვა. IDFI-ის თავმჯდომარემ ლევან ავალიშვილმა ხაზი გაუსვა პარლამენტის ვებგვერდზე სტენოგრაფიული ჩანაწერების განთავსების აუცილებლობას და მაგალითისათვის IDFI-ის მიერ მომზადებულ კვლევაში განხილული კანადის პარლამენტის ვებგვერდი მოიყვანა.

 

კანონპროექტების კომენტარებზე უკუკავშირის მექანიზმთან დაკავშირებით შეხვედრაზე შეკრებილებმა აღნიშნეს, რომ სასურველია, მოქალაქეების მიერ კანონპროექტებზე დატოვებული კომენტარები დამუშავდეს პარლამენტის აპარატის მიერ და შემდეგ პარლამენტის წევრს მიეწოდოს. ამასთან, უკუკავშირის საუკეთესო მექანიზმის დასამკვიდრებლად სასურველია საერთაშორისო პრაქტიკის საუკეთესო მაგალითების გამოკვლევა.

 

საპარლამენტო საბჭოსა და საკონსულტაციო ჯგუფის შეხვედრაზე ასევე განიხილეს ისეთი საკითხები, როგორიცაა შშმ პირებისთვის პარლამენტის შენობის (თბილისი) პირობების გაუმჯობესება და ადაპტირება, და მათთვის პარლამენტის სერვისების ხელმისაწვდომობის უზრუნველყოფა. ამასთან დაკავშირებით, რუსუდან ტუშურმა, გაეროს განვითარების პროგრამის (UNDP) წარმომადგენელმა, საქართველოს საჯარო რეესტრის მაგალითი მოიყვანა, რომელიც უკვე მუშაობს შშმ პირებისთვის თავისი სერვისების ადაპტირებაზე. საჯარო რეესტრის ამ გამოცდილების გამოყენება მნიშვნელოვნად შეუწყობს ხელს პარლამენტის მიერ ამ ვალდებულების განხორციელებას.

 

შეხვედრაზე მხარეები ასევე შეთანხმდნენ, რომ საპარლამენტო ღიაობის 2017-2018 წლების სამოქმედო გეგმაში გასაწერი ვალდებულებები და ვალდებულების ინდიკატორები საბჭოს და მასთან არსებული საკონსულტაციო ჯგუფის წევრებმა უნდა წარმოადგინონ არაუგვიანეს 2017 წლის 28 მარტისა.

სხვა მასალები ამ თემაზე
სიახლეები

2019-2020 წლების ეროვნული ანტიკორუფციული სტრატეგიისა და სამოქმედო გეგმის შემუშავების პროცესი ხარვეზებით წარიმართა

22.08.2019

სამოქალაქო საზოგადოების ორგანიზაციების ჩართულობა მდგრადი განვითარების მიზნების გავრცელებაში

20.08.2019

დაუშვებელი პროდუქციის რეგულირება - რას ცვლის საკონსტიტუციო სასამართლოს 2019 წლის 2 აგვისტოს გადაწყვეტილება

09.08.2019

ტრენინგი აჭარის რეგიონის ჟურნალისტებისა და აქტივისტებისთვის

07.08.2019
განცხადებები

არასამთავრობო ორგანიზაციების განცხადება „რუსთავი 2“-ზე მიმდინარე საკადრო ცვლილებების შესახებ

20.08.2019

არასამთავრობო ორგანიზაციების განცხადება ნიკა გვარამიასთვის ბრალის წარდგენის შესახებ

09.08.2019

კოალიცია მედიის ადვოკატირებისთვის პროკურატურას მოუწოდებს ,,რუსთავი 2“-ის საქმის გამოძიება ლოგიკურ დასასრულამდე მიიყვანოს

05.08.2019

ზვიად კუპრავასათვის პატიმრობის შეფარდება გამოხატვის თავისუფლების შეზღუდვის საშიში პრეცედენტია

02.08.2019
ბლოგპოსტები

ინტერესთა შეუთავსებლობა უზენაესი სასამართლოს მოსამართლეთა შერჩევის პროცესში

05.08.2019

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019