მთავრობის და პრეზიდენტის ადმინისტრაციების მიმოწერა ათონელის ქუჩაზე პრეზიდენტის რეზიდენციასთან დაკავშირებით - მედია გაშუქება

IDFI მედიაში 6 ივლისი 2015

1 ივლისს IDFI-მ მთავრობის და პრეზიდენტის ადმინისტრაციების ოფიციალური მიმოწერა გაასაჯაროვა ათონელის ქუჩაზე პრეზიდენტის რეზიდენციასთან დაკავშირებით. აღნიშნულ ფაქტს არა ერთი მედიასაშუალება გამოეხმაურა. გაკეთდა რამდენიმე სიუჟეტი და გამოქვეყნდა სტატიები სხვადასხვა მედიასაშუალების ვებგვერდებზე: რუსთავი 2, kavkasiatv.ge , pirveliradio.ge , medianews.ge, epn.ge, timesnews.ge, timer.ge, news.ge, pia.ge.

რუსთავი 2-ის სიუჟეტში IDFI-ს დირექტორი, გიორგი კლდიაშვილი ოფიციალური მიმოწერის დეტალებზე საუბრობს და აღნიშნავს, რომ ის დოკუმენტები, რომლებიც დაცულია გრიფით „საიდუმლო“, სავარაუდოდ, მშენებლობასთან დაკავშირებულ ხარჯებს ეხება. „მიუხედავად იმისა, რამდენსაც არ უნდა შეადგენდეს ეს ციფრი, საბიუჯეტო თანხის შეუთანხმებლად ხარჯვა არ არის მიზანშეწონილი“- ამბობს გიორგი კლდიაშვილი.


kavkasiatv.ge IDFI-ს გამგეობის თავმჯდომარის, ლევან ავალიშვილის კომენტარს გვთავაზობს პრეზიდენტის რეზიდენციის საკითხზე მთავრობის და პრეზიდენტის ადმინისტრაციების მიმოწერასთან დაკავშირებით, რომელშიც ის აცხადებს, რომ საქმე გვაქვს საბიუჯეტო სახსრების არარაციონალურ გამოყენებასთან.


Pirveliradio.ge IDFI-ს მიერ გასაჯაროებული ინფორმაციის შესახებ ვრცელ სტატიას ავრცელებს და წერს, რომ ორგანიზაციამ როგორც პრეზიდენტის, ისე მთავრობის ადმინისტრაციიდან გამოითხოვა მიმოწერის ასლები, ასევე განიხილავს პრეზიდენტის ადმინისტრაციიდან მიღებულ დოკუმენტს, რომლის მიხედვით, ჯერ კიდევ 2014 წლის 28 მარტს პრეზიდენტი ათონელის ქუჩაზე მშენებარე შენობის პრეზიდენტის რეზიდენციად გამოყენებას არ გეგმავდა.

Medianews.ge თავის სტატიაში IDFI-ის მიერ გასაჯაროებულ ინფორმაციაზე დაყრდნობით წერს, რომ დამატებითი ხარჯების თავიდან აცილების მიზნით, შენობის სტატუსის თაობაზე საბოლოო გადაწყვეტილების მიღებამდე, საქართველოს რეგიონული განვითარებისა და ინფრასტრუქტურის სამინისტრო იძულებული იყო შეეწყვიტა მიმდინარე სარეკონსტრუქციო- სამშენებლო სამუშაოები.

 

"IDFI-სთვის მიწოდებული კორესპონდენციიდან ასევე ირკვევა, რომ პრეზიდენტის ადმინისტრაციის მიერ 2014 წლის 14 ივლისს მთავრობის ადმინისტრაციისათვის გაგზავნილი წერილი, ათონელის რეზიდენციაში პრეზიდენტის არ გადასვლის შესახებ, ინფრასტრუქტურის და რეგიონული განვითარების სამინისტროს 2014 წლის 4 აგვისტოს გაეგზავნა." - ვკითხულობთ epn.ge-ს სტატიაში.

 

Timesnews.ge IDFI-ს შეფასებას ავრცელებს და წერს, რომ აღმასრულებელი ხელისუფლებისა და პრეზიდენტის ადმინისტრაციის შეუთანხმებელი მოქმედების შედეგად, სახელმწიფო ბიუჯეტიდან დაფინანსდა შენობის მშენებლობა, რომლის დანიშნულება მშენებლობის დასრულების შემდგომაც უცნობია.

 

"ყოვლად დაუშვებელია საბიუჯეტო სახსრების დაუგეგმავად ხარჯვა, განსაკუთრებით, როდესაც საუბარი ათობით მილიონ ლარს ეხება. ამასთან, მნიშვნელოვანია გასაჯაროვდეს, პრეზიდენტის როგორც ავლაბრის, ასევე ათონელის ქუჩის რეზიდენციების მშენებლობის, მათი ყოველწლიური შენახვისა და ექსპლუატაციის ხარჯები, რომ საზოგადოებამ იმსჯელოს, თუ რამდენად მიზანშეწონილი იყო როგორც ძველი, ისე ახალი რეზიდენციის აშენება საქართველოს ეკონომიკური მდგომარეობის ფონზე" - ვკითხულობთ timer.ge-ს სტატიაში.

 

News.ge-ს ვრცელი სტატიიდან ვიგებთ, რომ  2014 წლის 14 აპრილს საქართველოს მთავრობის ადმინისტრაციას რეგიონული განვითარებისა და ინფრასტრუქტურის სამინისტრომ აცნობა, პრეზიდენტის გადაწვეტილების შეცვლის გამო თუ რა პრობლემები შეექმნა მშენებლობას, რომელიც გეგმით 2014 წლის სექტემბრის თვეში უნდა დამთავრებულიყო.

 

Pia.ge პრეზიდენტის ადმინისტრაციის ოფიციალურ წერილზე წერს, რომელიც მთავრობის ადმინისტრაციაში 2014 წლის 10 აპრილს შევიდა და რომლის მიხედვით პრეზიდენტმა ავლაბრის რეზიდენციაში დარჩენა გადაწყვიტა. 

სხვა მასალები ამ თემაზე
სიახლეები

ევროკომისიის 2026 წლის ანგარიში საქართველოს შესახებ: დემოკრატიული უკუსვლის გაღრმავება, ახალი შემზღუდველი მექანიზმები და ევროკავშირში გაწევრების პერსპექტივა

11.11.2026

სათამაშო ბიზნესი და ახალი წამახალისებელი რეგულაციები

03.11.2026

როგორ ბალანსდება სახელმწიფო ბიუჯეტში გრანტების დანაკლისი?

24.09.2026

ქართული ანტისაბჭოთა წინააღმდეგობის დავიწყებული გმირები - იატაკქვეშა ორგანიზაციები, “სამიზდატი” და პოლიტიკური პატიმრობა (1954–1989)

30.08.2026
განცხადებები

ქართული სამოქალაქო საზოგადოების ორგანიზაციების ერთობლივი განცხადება ოპოზიციური პოლიტიკური პარტიების აკრძალვის შესახებ საკონსტიტუციო სარჩელთან დაკავშირებით

21.10.2026

გიორგი დავითაძის მიმართ სავარაუდო სექსუალური ძალადობის შესახებ - დაუყოვნებლივი და ეფექტიანი გამოძიების მოთხოვნა

02.10.2026

სოლიდარობა ვახო სანაიას

22.07.2026

სამოქალაქო საზოგადოების ორგანიზაციების განცხადება წამების მსხვერპლთა მხარდაჭერის საერთაშორისო დღესთან დაკავშირებით

26.06.2026
ბლოგპოსტები

მსოფლიო მმართველობის ინდიკატორები 2026: დემოკრატიული მმართველობის სისტემური უკუსვლა საქართველოში

29.10.2026

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024