კოალიცია მედიის ადვოკატირებისთვის მაესტროს თანამშრომლების შრომითი ურთიერთობის შეჩერებას ეხმაურება

განცხადებები 3 ივნისი 2016

კოალიცია სწავლობს ტელეკომპანია ,,მაესტროს“ 32 თანამშრომლისათვის შრომითი ხელშეკრულების შეჩერების საკითხს. ამ დროისათვის დასტურდება ისიც, რომ 2016 წლის 02 ივნისს, ტელეკომპანია ,,მაესტროს“ დირექტორის გადაწყვეტილებით, შრომითი ურთიერთობა შეუჩერდათ ტელეკომპანია „მაესტროს“ ოთხ თანამშრომელს. შრომითი ურთიერთობის შეჩერების საფუძვლად მათი 31 მაისს ტელეკომპანია ,,რუსთავი 2“-ის გადაცემა ,,არჩევანში“ მონაწილეობა სახელდება. როგორც გავრცელებულ წერილშია მითითებული, არხის ხელმძღვანელი ,,ყოვლად დაუშვებლად” მიიჩნევს მენეჯმენტთან შეუთანხმებლად მოქმედმა თანამშრომლებმა მონაწილეობა მიიღონ კონკურენტი ტელეკომპანიის ან ტელეკომპანიების ,,თოქშოუებში“, სადაც ,,მაესტროს“ საქმიანი რეპუტაციის შემლახავი და მისი კომერციული ინტერესების დამაზიანებელი განცხადებები კეთდება.

 

აღნიშნულ ფაქტთან დაკავშირებით ტელეკომპანია ,,მაესტრომ“ დაიწყო ,,შიდა სამსახურებრივი მოკვლევა“, ხოლო მოკვლევის დასრულებამდე 4 თანამშრომელს შრომითი ხელშეკრულებით გათვალისწინებული უფლებამოსილება შეუჩერა. იმავე დღეს, ტელეკომპანიის დირექტორის ბრძანებით, გადაცემების - ,,ბიზნეს კონტაქტის“, ,,ანალიტიკისა“ და ,,საქმიანი დილის“ 32 თანამშრომელს (მათ შორის იმ ოთხ თანამშრომელს, რომელთა მიმართებითაც უკვე იყო მიღებული შეჩერების შესახებ გადაწყვეტილება შიდა სამსახურებრივი მოკვლევის საფუძვლით) შეუჩერდა შრომითი ურთიერთობა. აღნიშნულის საფუძვლად დამსაქმებელი თანამშრომლები გაფიცვას ასახელებს.

 

აღსანიშნავია, რომ თავად თანამშრომლებს არ გამოუყენებიათ გაფიცვის უფლება და ამის შესახებ არ უცნობებიათ დამსაქმებლისათვის, ამდენად, გაუგებარია ტელეკომპანიამ საკუთარი ინიციატივით როგორ ჩათვალა დასაქმებულები გაფიცულებად. ამ დროისათვის შესწავლილი ფაქტები ბადებს ეჭვს, რომ ტელეკომპანიის მხრიდან შრომითი ურთიერთობების შეჩერება განხორციელდა კანონმდებლობის დარღვევით. ამასთან, განვითარებული მოვლენებიდან იკვეთება არამხოლოდ შრომითი უფლებებისა დარღვევისა და გამოხატვის თავისუფლების ხელყოფის მაღალი ალბათობა, არამედ ასევე, საფუძვლიანი ეჭვი, რომ აღნიშნული ქმედებები წარმოადგენს მცდელობას, რომ წინასაარჩევნოდ, მედია სივრცეში ერთ-ერთი ყველაზე რეიტინგული ინფორმაციულ-ანალიტიკური გადაცემების სარედაქციო პოლიტიკაში მოხდეს უხეში ჩარევა. ეს კი თავის მხრივ, შეუზღუდავს მოქალაქეებს მრავალფეროვან, ობიექტურ და კრიტიკულ ინფორმაციაზე წვდომას და შესაბამისად, მნიშვნელოვნად დააზიანებს წინასაარჩევნოდ მედია გარემოს და საბოლოო ჯამში - საქართველოს დემოკრატიულ პროცესებს. მედია კოალიცია კვლავაც დააკვირდება ამ ფაქტთან დაკავშირებულ მიმდინარე მოვლენებს და საზოგადოებას დამატებით ინფორმაციას მიაწვდის უახლოეს მომავალში.

სხვა მასალები ამ თემაზე
სიახლეები

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021

აღმოსავლეთ ევროპის პარტნიორობის ქვეყნების პოლიტიკური გაერთიანებების წარმომადგენლები IDFI-ის ესტუმრნენ და მის საქმიანობას გაეცვნენ

26.11.2021

კიბერსივრცეში პერსონალური მონაცემების დაცულობის უზრუნველყოფა: გამოწვევები და საჭიროებები საქართველოსთვის

25.11.2021
განცხადებები

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021

კოალიცია მოუწოდებს პარლამენტს ჯეროვნად და დროულად აღასრულოს საკონსტიტუციო სასამართლოს გადაწყვეტილება

22.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021