კოალიცია იუსტიციის უმაღლეს საბჭოს დისციპლინური საჩივრით მიმართავს

განცხადებები 10 თებერვალი 2016

2016 წლის 10 თებერვალს კოალიციამ „დამოუკიდებელი და გამჭვირვალე მართლმსაჯულებისათვის“ დისციპლინური საჩივრით მიმართა საქართველოს იუსტიციის უმაღლეს საბჭოს ქუთაისის საქალაქო სასამართლოს მოსამართლეებისა, ასევე სხვა სასამართლოების ცალკეული მოსამართლეების წინააღმდეგ. კოალიცია მიიჩნევს, რომ ქუთაისის საქალაქო სასამართლოს საჯარო განცხადება მამუკა ახვლედიანთან დაკავშირებით, ასევე ცალკეული მოსამართლეების მიერ შიდა ქსელში გამოხატული არაეთიკური და შეურაცხმყოფელი კომენტარები არღვევს სამოსამართლო ეთიკის წესებს, ასევე წარმოადგენს მოსამართლისათვის შეუფერებელ ქმედებას, რომელიც ბღალავს სასამართლოს ავტორიტეტს ან ზიანს აყენებს სასამართლოსადმი ნდობას, რასაც მოქმედი კანონმდებლობა დისციპლინურ გადაცდომად მიიჩნევს. საქართველოს სამოსამართლო ეთიკის წესების თანახმად, მოსამართლემ თავის განცხადებაში უნდა გამოიჩინოს სათანადო კორექტულობა, არ გამოიყენოს შეურაცხმყოფელი, დამამცირებელი სიტყვები და გამოთქმები ან დისკრიმინაციული ტერმინოლოგია.

 

კოალიციის შეფასებით, ქუთაისის საქალაქო სასამართლოს საჯარო განცხადება, ასევე ცალკეული მოსამართლეების მიერ შიდა ქსელში დაწერილი კომენტარები პერსონალურ შეურაცხყოფას, მხოლოდ ღირსებისა და ავტორიტეტის შელახვას ისახავდა მიზნად და არა მამუკა ახვლედიანის მიერ 2015 წლის 29 დეკემბრის ბრიფინგზე წამოჭრილ ინსტიტუციურ და სისტემურ პრობლემებზე საქმიან მსჯელობას. კოალიციის აზრით, სასამართლოს ავტორიტეტს აკნინებს ის ფაქტიც, რომ მოსამართლეები ამგვარი შეურაცხმყოფელი და დამამცირებელი ფრაზებით რეაგირებენ კრიტიკულ აზრზე. ეს აჩენს განცდას, რომ აღნიშნულ მოსამართლეებს უჭირთ გაემიჯნონ გავლენიანი ჯგუფების პოზიციებს სასამართლო კორპუსის შიგნითაც კი, ამდენად არსებობს საფრთხე, რომ ისინი კონკრეტულ საქმეზე მართლმსაჯულების განხორციელებისას ასევე განპირობებული და შებოჭილები იქნებიან დომინანტი ჯგუფის, უმრავლესობის განწყობებით და ინტერესებით.

 

კოალიცია მხედველობაში იღებს მამუკა ახვლედიანის წინააღმდეგ საბჭოში დაწყებულ დისციპლინურ პროცესს და აღნიშნულის საფუძველზე ხაზგასმით აღნიშნავს, რომ დაუშვებელია დისციპლინური პასუხისმგებლობის მექანიზმი გამოყენებული იყოს შერჩევითად, როგორც საბჭოსთვის არასასურველი მოსამართლეების სადამსჯელო მექანიზმი. იუსტიციის უმაღლესი საბჭო ვალდებულია დისციპლინური საქმეების წარმოებისას იყოს თანმიმდევრული და არ გამოიყენოს შერჩევითი მიდგომა, პასუხისმგებლობის მექანიზმი კი არ აქციოს კრიტიკული აზრის მქონე მოსამართლეების წინააღმდეგ რეპრესიულ ინსტრუმენტად. ამდენად, კოალიცია მოუწოდებს საბჭოს იმოქმედოს კანონით დადგენილი ვალდებულებების შესაბამისად და დაიწყოს შესწავლა ცალკეული მოსამართლეების ქმედებების, რაც შესაძლოა არაეთიკურ ქცევას შეიცავდეს.

 

სხვა მასალები ამ თემაზე
სიახლეები

ბენეფიციარ მესაკუთრეთა მონიტორნიგის გზამკვლევი

26.11.2021

აღმოსავლეთ ევროპის პარტნიორობის ქვეყნების პოლიტიკური გაერთიანებების წარმომადგენლები IDFI-ის ესტუმრნენ და მის საქმიანობას გაეცვნენ

26.11.2021

კიბერსივრცეში პერსონალური მონაცემების დაცულობის უზრუნველყოფა: გამოწვევები და საჭიროებები საქართველოსთვის

25.11.2021

ონლაინ ინფორმაციული მანიპულირება: გამოცდილება, გამოწვევები და საერთაშორისო პრაქტიკის მაგალითები

25.11.2021
განცხადებები

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021

კოალიცია მოუწოდებს პარლამენტს ჯეროვნად და დროულად აღასრულოს საკონსტიტუციო სასამართლოს გადაწყვეტილება

22.11.2021

საქართველოს მთავრობა ანტიკორუფციული გარემოს შესახებ OECD-ის ანგარიშის მიღებას აფერხებს

19.11.2021

IDFI-ის შეფასებით მიხეილ სააკაშვილის საქმეთა განხილვა ბრალდებულის სამართლიანი სასამართლოს უფლების უგულებელყოფით მიმდინარეობს

17.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021