2016 წლის 16 მაისს თბილისის საქალაქო სასამართლომ ე. წ. ‘’კაბელების საქმეზე’’ დამნაშავედ ცნო თავდაცვის სამინისტროს 5 მაღალჩინოსანი და სასჯელის სახით 7 წლით თავისუფლების აღკვეთა მიუსაჯა. გახმაურებული საქმის განვითარებას საზოგადოება ხანგრძლივი პერიოდის განმავლობაში ადევნებდა თვალს და მოვლენების პარალელურად ჩნდებოდა კითხვები, რამდენად სამართლიანად და გამჭვირვალედ მიმდინარეობდა პროცესები. აღსანიშნავია, რომ შექმნილმა ვითარებამ და საქმის პოლიტიკურმა ელფერმა გაზარდა საზოგადოების მხრიდან უნდობლობა.

სამართლებრივი გარემოებები და წარდგენილ ბრალთან დაკავშირებული კითხვები, არსებული კონტექსტი და საქმის განხილვის პროცესში გამოვლენილი ცალკეული ხარვეზები ამძაფრებს საზოგადოების განცდას, რომ მართლმსაჯულება არასათანადოდ და მიკერძოებულად განხორციელდა. ინფორმაციის თავისუფლების განვითარების ინსტიტუტი (IDFI) სხვა არასამთავრობო ორგანიზაციებთან ერთად აგრძელებს საქმეზე დაკვირვებას და სასამართლოს დასაბუთებული გადაწყვეტილებების შემდეგ დეტალური შეფასებების გაკეთებას. 

არასამთავრობო ორგანიზაციების მიერ გამოქვეყნებულ საერთო შეფასებას საინფორმაციო სააგენტოები აქტიურად ეხმაურებიან. www.liberali.ge  და www.tabula.ge უცვლელად აქვეყნებენ ტექსტს.

www.netgazeti.ge  კაბელების საქმეზე პრეზიდენტ გიორგი მარგველაშვილის შეფასებაზე საუბრობს. ამავე სტატიაში, ჟურნალისტი მიმოიხილავს არასამთავრობო ორგანიზაციების მიერ გამოქვეყნებულ განცხადებას და IDFI-ს დირქტორის, გიორგი კლდიაშვილის სიტყვებს იშველიებს.

www.tabula.ge გიორგი კლდიაშვილის შეფასებას კაბელების საქმეზე უცვლელად აქვეყნებს. ციტატაში საუბარია საქმის პოლიტიკურ კონტექსტზე და ბრალდების მხარის არასაკმარის მტკიცებულებებზე. გიორგი კლდიაშვილის შეფასებით, ‘’სასამართლომ ვერ გაუძლო პოლიტიკურ ზეწოლას.’’

კაბელების გახმაურებულ საქმესთან დაკავშირებით www.netgazeti.ge კიდევ ერთ სტატიას აქვეყნებს, სადაც ის იუსტიციის საბჭოს მოსაზრებას ეხმაურება კაბელების საქმეზე არასამთავრობოების განცხადების შესახებ. ამ უკანასკნელის მიხედვით, იუსტიციის საბჭოს სასამართლოს მიერ მიღებული სრული ტექსტის გამოქვეყნებამდე მის ‘’დაუსაბუთებლობაზე’’ ლაპარაკი არასამთავრობოების მხრიდან არასწორად მიაჩნია. იუსტიციის საბჭოს განცხადებაში ნათქვამია, რომ მსგავსი განცხადებები არასამთავრობოების მხრიდან ‘’დემოკრატიას ხელყოფს.’’ ინფორმაცია ასევე გამოქვეყნდა გაზეთ რეზონანსის გამოშვება "მთელი კვირა"- ში.  

რადიო პირველთან საუბრისას, გიორგი კლდიაშვილი მოკლედ აფასებს სასამართლოს გადაწყვეტილებას, ის ხაზს უსვამს სასამართლოზე პოლიტიკის გავლენას. მისი აზრით, საქმეში არსებული გაურკვევლობა და ამ უკანასკნელთან დაკავშირებული პოლიტიკური კონტექსტი, საეჭვოს ხდის სასამართლოს მიერ გამოტანილი განაჩენის სისწორეს.

არასამთავრობო ორგანიზაციების შეფასებით დაინტერესდნენ შემდეგი საინფორმაციო ინტერნეტ პორტალებიც:

www.netgazeti.ge 

www.info9.ge

www.medianews.ge 

www.ipress.ge

www.newposts.ge

www.news.ge

www.pia.ge

www.interpressnews.ge