IDFI მცხეთა-მთიანეთის ადგილობრივი თვითმმართველობის მიერ 2013 წელს გაწეული სხვადასხვა სახის ფინანსური ხარჯების შესახებ ინფორმაციას აქვეყნებს.
ორგანიზაციის ცნობით, მცხეთის მუნიციპალიტეტის გამგეობაში 2013 წელს გაცემულია პრემია 474 654 ლარის ოდენობით. აქედან, გამგებელსა და მის მოადგილეებს სულ მიღებული აქვთ 23 149 ლარი. გასულ წელს მცხეთის მუნიციპალიტეტის საკრებულოს 13-მა წევრმა პრემიის სახით ჯამში 53 425 ლარი, ხოლო საკრებულოს სხვა თანამშრომლებმა 30 400 ლარი მიიღეს.
დუშეთის მუნიციპალიტეტის გამგებელმა და მისმა სამმა მოადგილემ 2013 წელს სახელფასო დანამატის სახით სულ 4 912 ლარი მიიღეს, ხოლო დანარჩენმა თანამშრომლებმა - 52 083 ლარი. დუშეთის გამგეობაში გასულ წელს ერთჯერადად მხოლოდ სარვამარტო პრემია - სულ 3339 ლარი გაიცა ქალბატონებისთვის. აქედან, გამგებლის მოადგილემ, ნინო ხუციშვილმა სარვამარტო პრემიის სახით მხოლოდ 63 ლარი მიიღო. 2013 წელს საკრებულოს წევრებზე სულ 13 152 ლარის ოდენობის სახელფასო დანამტი გაიცა, ხოლო სხვა თანამშრომლებზე - 3 769 ლარი. გამგეობის მსგავსად საკრებულოშიც 2013 წელს მხოლოდ სარვამარტო პრემია - სულ 630 ლარი გაიცა.
თიანეთის მუნიციპალიტეტის გამგეობაში 2013 წელს ჯამში გაცემულია 61 060 ლარის ოდენობის პრემია, საიდანაც გამგებელმა და მისმა სამმა მოადგილემ 5 860 ლარი, ხოლო სხვა თანამშრომლებმა - 55 200 ლარი მიიღეს. თიანეთის მუნიციპალიტეტის საკრებულოს წევრებზე გასულ წელს დარიცხული პრემიების ოდენობა სულ 9000 ლარია, ხოლო საკრებულოს აპარატის თანამშრომლებზე - 8 960 ლარი.
ყაზბეგის მუნიციპალიტეტის გამგეობაში 2013 წელს პრემიის სახით სულ 52 415 ლარია გაცემული. აქედან, მუნიციპალიტეტის გამგებელსა და მის სამ მოადგილეს სულ 5960 ლარი აქვთ მიღებული. ყაზბეგის მუნიციპალიტეტის საკრებულოს წევრებზე გასულ წელს სულ 23 560 ლარის ოდენობის პრემია გაიცა.
სიახლეების გამოწერა
