აჭარის საკონსულტაციო ჯგუფმა სამოქმედო გეგმის ვალდებულებებზე იმსჯელა

სიახლეები | ღია მმართველობა | სტატია 16 ივლისი 2020

15 ივლისს, აჭარის ავტონომიური რესპუბლიკის უმაღლესი საბჭოს ღია მმართველობის საბჭოსთან არსებულმა საკონსულტაციო ჯგუფმა სამუშაო შეხვედრა გამართა.

 

შეხვედრაზე საკონსულტაციო ჯგუფის წევრმა არასამთავრობო და საერთაშორისო ორგანიზაციებმა განიხილეს აჭარის უმაღლესი საბჭოს ღია მმართველობის საბჭოს სამოქმედო გეგმისათვის წარსადგენი ინიციატივები. დასახელებული ინიციატივები მიზნად ისახავს ხელი შეუწყოს აჭარის უმაღლესი საბჭოს ინსტიტუციურ ღიაობას, გააუმჯობესოს საჯარო სერვისების მიწოდება, გაზარდოს ანგარიშვალდებულება და მოქალაქეთა ჩართულობა.

 

საკონსულტაციო ჯგუფი წევრების მიერ მომზადებულ ინიციატივებს გააერთიანებს და წარუდგენს ღია მმართველობის საბჭოს.

 

ინფორმაციის თავისუფლების განვითარების ინსტიტუტის (IDFI) აღმასრულებელმა დირექტორმა, გიორგი კლდიაშვილმა, შეხვედრის მონაწილეებს გაუზიარა ინფორმაცია ღია მმართველობის პარტნიორობაში ჩართულობისა, და სამოქმედო გეგმის შემუშავებისა და განხორციელების პროცესის შესახებ.

 

აღსანიშნავია, რომ საკონსულტაციო ჯგუფმა თავმჯდომარედ აირჩია „საერთაშორისო გამჭვირვალობა - საქართველო“, რომელიც ბათუმში საკუთარი წარმომადგენლის მეშვეობით კოორდინაციას გაუწევს საკონსულტაციო ჯგუფის მუშაობას.

 

აჭარის ავტონომიური რესპუბლიკის უმაღლესი საბჭოს ღია მმართველობის საბჭოს მხარდამჭერია ევროკავშირისა (EU) და გაეროს განვითარების პროგრამის (UNDP) ერთობლივი პროექტი „საპარლამენტო დემოკრატიის კონსოლიდაცია საქართველოში“. პროექტი მჭიდროდ თანამშრომლობს ინფორმაციის თავისუფლების განვითარების ინსტიტუტთან (IDFI) საქართველოს პარლამენტსა და აჭარის ავტონომიური რესპუბლიკის უმაღლეს საბჭოში ღია მმართველობის პრინციპების ხელშეწყობის მიზნით.   

 

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022