ქართულ პრესაში გავრცელდა ინფორმაცია, რომელიც იუწყება, რომ საქართველოს პრეზიდენტის ბრძანებულებებსა და დადგენილებებზე ხელმისაწვდომობა შეიზღუდა.
მას შემდეგ, რაც პრეზიდენტის ოფიციალური ვებგვერდი განახლდა, საიტზე აღარ არის განთავსებული პრეზიდენტის ბრძანებულებები, განკარგულებები და დადგენილებები.
როგორც "ინტერპრესნიუსს" პრეზიდენტის პრესსამსახურში განუმარტეს, სასურველი სამართლებრივი აქტის მისაღებად დაინტერესებულმა პირმა შესაბამისი წერილი ავლაბრის რეზიდენციის კანცელარიაში უნდა შეიტანოს და წერილობითი ფორმით დაელოდოს მოთხოვნილ სამართლებრივ აქტს.
ამ დრომდე პრეზიდენტის სამართლებრივი აქტები მისსავე ოფიციალურ ვებგვერდზე იყო განთავსებული, რომლის ნახვაც ნებისმიერ დაინტერესებულ პირს შეეძლო.
სიახლეების გამოწერა
