ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს

სიახლეები | კანონის უზენაესობა, ადამიანის უფლებები და მედიის თავისუფლება 21 თებერვალი 2024

ევროკავშირი აგრძელებს საქართველოში დამოუკიდებელი და მიუკერძოებელი სასამართლო სისტემის მხარდაჭერას.

 

2024 წლის 20 თებერვალს, საქართველოს ახალგაზრდა იურისტთა ასოციაციამ, სოციალური სამართლიანობის ცენტრმა, ინფორმაციის თავისუფლების განვითარების ინსტიტუტმა და სტუდია მონიტორმა ევროკავშირის დაფინანსებული პროექტის - „სასამართლო რეფორმების შესახებ საზოგადოების ინფორმირებისა და ჩართულობის ხელშეწყობა და მართლმსაჯულებაზე ხელმისაწვდომობის გაზრდის მრავალმხრივი ქმედებით ფასილიტაცია“ - გახსნით ღონისძიებას უმასპინძლეს. ღონისძიება პროექტის მიზნებს, მოსალოდნელი შედეგებსა და აქტივობებს დაეთმო. ამასთანავე, გაიმართა პანელური დისკუსია საქართველოს მხრიდან მართლმსაჯულების რეფორმის გატარებასთან დაკავშირებით.

 

ღონისძიება გახსნა ნიკოლას სენდროვიჩმა, საქართველოში ევროკავშირის წარმომადგენლობის თანამშრომლობის სექციის ხელმძღვანელმა. ბატონი ნიკოლას სენდროვიჩის თქმით, „სამოქალაქო საზოგადოება წარმოადგენს მომწიფებული დემოკრატიის მნიშვნელოვან აქტორს, რომელიც მთავრობას ანგარიშვალდებულს ამყოფებს და მას არსებით წინადადებებს სთავაზობს. საქართველოსთან დაკავშირებით ეს მოიცავს არა მხოლოდ 9 პირობის განხორციელების ზედამხედველობას, არამედ რეფორმებთან დაკავშირებით მოსახლეობის ინფორმირებასა და ევროინტეგრაციაში რეალური სამოქალაქო მონაწილეობის უზრუნველყოფას. ამ საფუძვლით, ევროკავშირი გააგრძელებს საქართველოს აქტიური სამოქალაქო საზოგადოების მხარდაჭერასა და გაძლიერებას“. ღონისძიებას, ასევე, ესწრებოდნენ სახელმწიფო ინსტიტუტების, საერთაშორისო ორგანიზაციებისა და სამოქალაქო საზოგადოების ორგანიზაციების წარმომადგენლები.

 

ევროკავშირის მხარდაჭერილი პროექტი 2024 წლის 1 იანვარს დაიწყო და 2026 წლის დეკემბერს დასრულდება. პროექტის მიზანია სასამართლო სისტემის ხელმისაწვდომობის, დამოუკიდებლობის, გამჭირვალობის, მიუკერძოებლობისა და ანგარიშვალდებულების ხელშეწყობა, მათ შორის, სასამართლო რეფორმების ჩათვლით.

 

პროექტის მიზნები შესაძლებლობების განვითარების, ადვოკატირების, შეფასებებისა და სტრატეგიული სამართალწარმოების გზით იქნება მიღწეული. იმის გათვალისწინებით, რომ ადამიანის უფლებები ევროკავშირის ღირებულებების, ისევე როგორც ევროკავშირი-საქართველოს ურთიერთობების უმნიშვნელოვანესი ელემენტია, აღნიშნული პროექტი ევროკავშირის მხრიდან საქართველოში ადამიანის უფლებათა, დემოკრატიისა და კანონის უზენაესობის მხარდაჭერის ნათელ მაგალითს წარმოადგენს.

სხვა მასალები ამ თემაზე
სიახლეები

ქართული ოცნების შემომწირველები და მათი ბენეფიტები არჩევნების შემდეგ

24.04.2025

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

მანიფესტანტების მასიური თვალთვალი და პერსონალურ მონაცემთა დაცვის სამსახურის არასათანადო რეაგირება

15.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025
განცხადებები

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

არალეგიტიმური მთავრობა ქართველი ხალხის დევნის აქტს იღებს

08.04.2025

ვეხმიანებით დიდი ბრიტანეთის მიერ გავლენიან მოსამართლეთა დასანქცირებას მართლმსაჯულებით ვაჭრობისთვის

04.04.2025
ბლოგპოსტები

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024