2013 წლის მონაცემები შიდა ქართლის რეგიონიდან

სიახლეები | კორუფციასთან ბრძოლა | პუბლიკაციები | ანალიზი 3 ოქტომბერი 2014

ინფორმაციის თავისუფლების განვითარების ინსტიტუტი (IDFI) აგრძელებს საქართველოს ადგილობრივი თვითმმართველობის ორგანოებიდან მიღებული სხვადასხვა სახის საჯარო ინფორმაციის განთავსებას www.opendata.ge -ზე (საჯარო ინფორმაციის მონაცემთა ბაზა).


ამჯერად გთავაზობთ შიდა ქართლის ადგილობრივი თვითმმართველობის ორგანოებიდან IDFI-ისთვის მოწოდებულ სხვადასხვა სახის ინფორმაციას, რომელიც www.opendata.ge -ზე უკვე ხელმისაწვდომია.

შიდა ქართლის რეგიონში 2013 წელს გამგებლებზე და მათ მოადგილეებზე სულ  გაიცა 145 607.5 ლარის ოდენობის პრემია, ხოლო საკრებულოს თავჯომარესა და მის მოადგილეებზე სულ - 119 537,5 ლარი.

 

 

  • ქარელის მუნიციპალიტეტის თვითმმართველი ერთეულებიდან მიღებული სახელფასო უწყისების მიხედვით ქარელის საკრებულოს თავჯდომარეს პაატა ღვინიაშვილს - 2013 წელს პრემიის სახით მიღებული აქვს - 45 050 ლარი, ხოლო მის მოადგილეს სოსო საზანდარიშვილს -28 550 ლარი. ქარელის გამაგებელს და მის მოადგილეებს პრემიის სახით სულ მიღებული აქვთ 68 450 ლარი.

  • გორის გამგებელს და მის ორ მოადგილეს პრემიის სახით მიღებული აქვთ სულ 11 125 ლარი; გორის საკრებულოს თავჯდომარეს დავით რაზმაძეს - 3 975 ლარი, ხოლო მის მოადგილეს ზურაბ როსებაშვილს - 5 150 ლარი.

  • კასპის გამგებელსა და მის სამ მოადგილეზე ჯამში - 33 920 ლარი, კასპის საკრებულოს თავჯდომარეს დავით მესროფაშვილს - 5 300 ლარი და მის მოადგილეს გიორგი გოგოლაურს - 10 850 ლარი.

  • ხაშურის გამგებელსა და მის სამ მოადგილეზე - 32 112.5 ლარი; ხაშურის საკრებულოს თავჯდომარეს დავით ლომიძეს - 12 587.5 ლარი და მის მოადგილეს გიორგი ცხადიაშვილს- 8075 ლარი.

 

2013 წელს შიდა ქართლის ადგილობრივი თვითმმართველობის ორგანოების მიერ გადაუდებელი აუცილებლობის წესით განხორციელებულ შესყიდვებზე ჯამში 2 623 915.36 ლარი დაიხარჯა, აქედან ყველაზე დიდი ხარჯი - 1 518 469 ლარი - გორის მუნიციპალიტეტის გამგეობამ გასწია ხოლო ყველაზე მცირე ხარჯი - 34 599.25 ლარი - ხაშურის მუნიციპალიტეტის გამგეობამ. გასულ წელს შიდა ქართლის რეგიონში გადაუდებელი შესყიდვებისთვის დახარჯული თანხები მუნიციპალიტეტების მიხედვით შემდეგნაირად გამოიყურება:

2013 წელს შიდა ქართლის თვითმმართველი ორგანოების მიერ გაწეულმა წარმომადგენლობითმა ხარჯებმა სულ  შეადგინა  28 376.59 ლარი:

  • გორის მუნიციპალიტეტის მიერ ჯამში - 22 129,29 ლარის წარმომადგენლობითი ხარჯი იქნა გაწეული, ყველაზე დიდი თანხა - 11 889.5 ლარის ოდენობით (საკრებულო - 5325 ლარი, გამგეობა - 6 564,50 ლარი) გამოიყო „გორის დღეებთან“ გამართულ ღონისძიებაზე მოწვეული სტუმრების გამასპინძლებაზე.

  • ხაშურის მუნიციპალიტეტის  მიერ  - 4 357.3 ლარის წარმომადგენლობითი ხარჯი იქნა გაწეული, აქედან ყველაზე დიდი თანხა - 519 ლარი გამოიყო ქალაქ ხაშურში ლტოლვილთა და განსახლების სამინისტროს წარმომადგენლების სხვა თანმხლებ პირებთან ერთად სტუმრობასთან დაკავშირებით.

  • ქარელის მუნიციპალიტეტის მიერ გაწეული იქნა 1 890 ლარის წარმომადგენლობითი ხარჯი, მოწოდებულ დოკუმენტაციაში არ არის მითითებული რა ღონისძიებისთვის დაიხარჯა თანხა.

  • როგორც, მოწოდებული ინფორმაციით ირკვევა კასპის მუნიციპალიტეტს 2013 წელს წარმომადგენლობითი ხარჯები არ გაუწევია.

2014 წლის აპრილის მონაცემებით შიდა ქართლის რეგიონის მუნიციპალიტეტების ბალანსზე რიცხული ავტომობილების შესახებ ინფორმაცია გამოიყურება შემდეგნაირად:

  • გორის მუნიციპალიტეტის ბალანსზე ირიცხება - 10 ავტომობილი, საერთო ნარჩენი ღირებულებით - 237 751.61 ლარი, მათ შორის 2012 წელს 133 389 ლარად შეძენილი Toyota Land Cruiser.

  • ქარელის მუნიციპალიტეტის ბალანსზე ირიცხება - 21 ავტომობილი, ნარჩენი ღირებულებით 503 826.1 ლარი, აღნიშნული ავტოსატრანსპორტო საშუალებებიდან 2014 წლის აპრილის მონაცემებით ქარელის საკრებულოს თავჯდომარეს მფლობელობაში იყო 59 484 ლარად შეძენილი 2012 წლის გამოშვების Hyundai Santa Fe.

  • კასპის მუნიციპალიტეტის ბალანსზე ირიცხება - 12 ავტომობილი, ნარჩენი ღირებულებით - 172 999 ლარი. გამგებელს ემსახურება 2008 წლის Toyota Land Cruiser (შეძენის ფასი - 70 479,66 ლარი, ნარჩენი ღირებულება - 33 831,66 ლარი), ხოლო საკრებულოს თავჯდომარეს - 2009 წლის Hyundai Santa Fe (შეძენის ფასი - 37 700 ლარი , ნარჩენი ღირებულება - 13 195 ლარი.)

  • ხაშურის მუნიციპალიტეტის ბალანსზე ირიცხება - 34 ავტომობილი, ნარჩენი ღირებულებით 855 405.5 ლარი. აღნიშნული ავტოსატრანსპორტო საშუალებებიდან 2014 წლის აპრილის მონაცემებით გამგებლის მფლობელობაში იყო 2008 წელს 64 168 ლარად შეძენილი ავტომანქანა Toyota Prado, ნარჩენი ღირებულებით - 30 801 ლარი.

 

ზემოაღნიშნული მონაცემები წარმოადგენენ იმ ინფორმაციის მხოლოდ მცირედ ნაწილს, რომელიც IDFI-იმ შიდა ქართლის ადგილობრივი თვითმმართველობის ორგანოებიდან გამოითხოვა და რომლის დეტალურად გაცნობა ამჟამად www.opendata.ge -ზეა შესაძლებელი. დეტალური ინფორმაციისათვის იხილეთ ბმულები:

გორის მუნიციპალიტეტი

ქარელის მუნიციპალიტეტი

კასპის მუნიციპალიტეტი

ხაშურის მუნიციპალიტეტი

სხვა მასალები ამ თემაზე
სიახლეები

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

24.01.2022

პოლონეთის ეროვნული მეხსიერების უნივერსიტეტის (IPN) სამეცნიერო ჯგუფი აჭარაში მასობრივი ტერორის მსხვერპლთა სამარხებს შესწავლის

24.01.2022

საქართველოს პარლამენტის მდგრადი განვითარების მიზნებთან დაკავშირებით შეხვედრა გაიმართა

21.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022