„დასავლეთ ბალკანეთის დიალოგი“ ღია მმართველობის პარტნიორობის ფარგლებში

სიახლეები | პუბლიკაციები | ღია მმართველობა | სტატია 18 სექტემბერი 2015

2015 წლის 10-11 სექტემბერს, ღია მმართველობის პარტნიორობის ფარგლებში, ალბანეთის ქალაქ ტირანაში, ჩატარდა კონფერენცია სახელწოდებით „დასავლეთ ბალკანეთის ქვეყნების დიალოგი". კონფერენციაში მონაწილეობა დასავლეთ ბალკანეთის (ალბანეთი, მონტენეგრო, სერბეთი, მაკედონია, კოსოვო, ბოსნია და ჰეროცოგოვინა), დიდი ბრიტანეთის, ხორვატიის, საქართველოს, პოლონეთისა და სხვა ქვეყნების სამთავრობო თუ სამოქალაქო სექტორის 400-მდე წარმომადგენელმა მიიღო.


აღნიშნული შეხვედრა დასავლეთ ბალკანეთის ქვეყნების მთავრობებისა და სამოქალაქო სექტორის პირველი კოორდინირებული მუშაობა იყო ღია მმართველობის პარტნიორობის ფარგლებში (OGP), რაც თვალსაჩინო მაგალითია იმისა, თუ რაოდენ წარმატებულად ახერხებს OGP კერძო და სამთავრობო სტრუქტურების ერთი მიზნისთვის გაერთიანებას.


„დასავლეთ ბალკანეთის დიალოგის“ ჩატარება რეგიონისთვის გადამწყვეტი მნიშვნელობის იყო, რადგან ღია მმართველობის პარტნიორობის გაძლიერებისათვის რეგიონში მნიშვნელოვანი ნაბიჯები იდგმება. კოსოვომ, 2014 წლის ივნისში გამოთქვა OGP-ის წევრობის სურვილი, ბოსნია და ჰერცეგოვინა კი, სექტემბერში შეუერთდნენ ღია მმართველობის პარტნიორობას.


დასავლეთ ბალკანეთის OGP დიალოგი
მიზნად ისახავდა მონაწილეების მიერ ერთმანეთისთვის გამოცდილებების გაზიარებას. შეხვედრაზე ისაუბრეს სამოქმედო გეგმების განხორციელების პროცესში წამოჭრილი პრობლემების მოგვარების ეფექტურ გზებსა და ღია მმართველობის გაძლიერების საკითხებზე. OGP ბალკანეთის დიალოგი ძირითადად, იმ ქვეყნებისთვის არის განკუთვნილი, სადაც ადამიანთა უფლებების და იმიგრაციის კუთხით სერიოზული პრობლემებია. კონფერენციაზე ასევე განიხილეს ისეთი პრიორიტეტული თემები, როგორიც არის საჯარო მონაცემთა ბაზის შექმნა, საჯარო სერვისების გაუმჯობესება, კომუნიკაციის უსაფრთხო საშუალებები, კორუფციასთან ბრძოლის გზები, ბიუჯეტის ღიაობა, საკანონმდებლო გამჭვირვალობა და სხვა.


შეხვედრის მთავარი შედეგი კი, რეგიონალური ფორუმის დაარსება იყო, სადაც მონაწილეებს რეგულარულად შეეძლებათ ერთმანეთისთვის გამოცდილების გაზიარება. ეს პრაქტიკა კი, რეგიონის წინაშე არსებული გამოწვევების დაძლევაში დაეხმარებათ.

სხვა მასალები ამ თემაზე
სიახლეები

Covid-19-თან დაკავშირებული გამარტივებული შესყიდვები 2021

26.07.2021

გამოფენა „საბჭოთა კავშირში რეპრესირებული ქალები“ დედაენის ბაღში

23.07.2021

საბჭოთა რეპრესიები ქართველი სტუდენტების მეხსიერებაში

22.07.2021

საინფორმაციო შეხვედრა ქობულეთის მუნიციპალიტეტში

21.07.2021
განცხადებები

მოვუწოდებთ ყველა საჯარო პირს შეწყვიტოს საზოგადოებაში მტრული განწყობების გაღვივება და მედიის დისკრედიტაცია

23.07.2021

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021

მწუხარებას გამოვთქვამთ “TV პირველის“ ოპერატორის, ალექსანდრე ლაშქარავას გარდაცვალების გამო

11.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021