2013 წელს რეგისტრირებული დანაშაული 16,6 % გაიზარდა

სიახლეები | კორუფციასთან ბრძოლა | პუბლიკაციები | ანალიზი 29 აპრილი 2013
2013 წლის 12 აპრილს IDFI-იმ (ინფორმაციის თავისუფლების განვითარების ინსტიტუტმა) საჯარო ინფორმაციის მოთხოვნის განცხადებით მიმართა საქართველოს შინაგან საქმეთა სამინისტროს. მოთხოვნილ ინფორმაციას წარმოადგენდა თვეებისა და მუხლების მიხედვით ჩაშლილი, საქართველოში 2013 წლის იანვარ-თებერვალ-მარტში რეგისტრირებულ დანაშაულთა სტატისტიკური მონაცემები.

2013 წლის 24 აპრილს, საქართველოს შინაგან საქმეთა სამინისტრომ მოგვაწოდა ინფორმაცია, თუმცა არასრულყოფილი სახით. კერძოდ, არ მოგვეცა საშუალება გავცნობოდით დანაშაულთა სტატისტიკურ ინფორმაციას საქართველოს სისხლის სამართლის კოდექსის კონკრეტული მუხლების მიხედვით – რადგან შსს-ს მიერ მოწოდებული იქნა მხოლოდ ჯამური მაჩვენებლები. ამასთან, აღსანიშნავია, რომ შესადარებლად, შსს-მ ინსტიტუტს დამატებით მოაწოდა 2012 წლის შესაბამის თვეებში რეგისტრირებულ დანაშაულთა სტატისტიკაც – რაც განცხადებით ჩვენს მიერ მოთხოვნილი არ იყო.

shssregistrdanashauli

საქართველოს შინაგან საქმეთა სამინისტროს პასუხიდან ირკვევა, რომ იანვარ-მარტის თვეებში საქართველოში სულ რეგისტრირებულ იქნა 11,708 დანაშაული, რაც წინა წლის შესაბამის თვეებში რეგისტრირებულ 10,033 დანაშაულთან მიმართებაში წარმოადგენს დანაშაულის 16,6%-ით მატებას. მართალია 2013 წლის იანვარი-მარტის თვეებში, წინა წლის შესაბამის თვეებთან შედარებით, აგრეთვე იმატა გახსნილ საქმეთა პროცენტულმა მაჩვენებელმა, თუმცა მეტი რაოდენობის გაუხსნელი დანაშაული (7871) წინა წელიწადთან შედარებით (7143) მაინც 2013 წლის პირველ კვარტალზე მოდის.

shssdanashaulisgaxsna

საინტერესოდ მიგვაჩნია შსს-ს მიერ მოწოდებული სტატისტიკური მაჩვენებლების კონკრეტული თვეების მიხედვით შედარებაც. აღსანიშნავია, რომ ყველაზე მეტი რეგისტრირებული დანაშაული, 2012 და 2013 წლის პირველ კვარტლებში მოდის მარტის თვეზე. 2012 წლის მარტის თვეში რეგისტრირებულ იქნა 3525, ხოლო 2013 წლის ამავე თვეში 4396 დანაშაული. მიღებული ინფორმაციიდან აგრეთვე იკვეთება, რომ 2012 წელთან შედარებით მომატებულია რეგისტრირებულ დანაშაულთა რიცხვის პროცენტული მაჩვენებელი. კერძოდ, დანაშაულის სტატისტიკა გაზრდილია: 2013 წლის იანვარში 20,2 %-ით, თებერვალში 15,7 %-ით, ხოლო მარტის თვეში 24,7 %-ით. მთლიანობაში როგორც ზევით უკვე აღვნიშნეთ, დანაშაულის რიცხვის ზრდამ 2013 წლის პირველ კვარტალში 2012 წლის იგივე პერიოდთან მიმართებაში შეადგინა 16,6%.

shssregistrdanash1

 

shssdinamika

საქართველოს შინაგან საქმეთა სამინისტროს მიერ სრულყოფილი პასუხის მოწოდების შემთხვევაში მოგვეცემოდა საშუალება აგრეთვე წარმოგვედგინა კონკრეტული მუხლების მიხედვით ჩადენილ დანაშაულთა დინამიკაც, რაც ჩვენი აზრით მომეტებული საზოგადოებრივი ინტერესის საგანს წარმოადგენს. სამწუხაროდ, საზოგადოებისათვის გასაცნობად, აღნიშნული სტატისტიკური მონაცემები ვერც საქართველოს შინაგან საქმეთა სამინისტროს ვებ-გვერდის (www.police.ge) სტატისტიკისათვის განკუთვნილ განყოფილებაში მოვიძიეთ.

სხვა მასალები ამ თემაზე
სიახლეები

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021

IDFI „საერთო სასამართლოების შესახებ“ საქართველოს ორგანულ კანონში შესატან ცვლილებებს აფასებს

16.09.2021

IDFI თბილისის მერიას ღია მონაცემების პორტალის კონცეფციისა და ტექნიკური აღწერის შექმნაში დაეხმარა

06.09.2021

ანდრე ჟიდს – მოღალატეს

01.09.2021
განცხადებები

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021

ევროკავშირის დახმარებაზე უარი საქართველოს ევრო-ატლანტიკური კურსიდან გადახვევის ღია დეკლარირებაა

31.08.2021

ვახო სანაიას საქმეზე მართლმსაჯულება სათანადოდ არ აღსრულებულა

25.08.2021

ირაკლი აბსანძის გათავისუფლება შესაძლოა მის კრიტიკულ მოსაზრებებს უკავშირდებოდეს

13.08.2021
ბლოგპოსტები

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021

სახელფასო პოლიტიკა თვითმმართველობებში და პრემიერის დაპირება

12.08.2021

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021